யாழ் தெல்லிப்பழை புற்று நோய் கதிரியக்க சிகிச்சை தொழில்நுட்ப அதிகாரிகளுக்கு எதிராக முறையீடு

 

யாழ் போதனா வைத்தியசாலையின் ஆளுகைக்குட்பட்ட தெல்லிப்பழை புற்றுநோய் வைத்தியசாலையின் சிகிச்சை 

பிரிவில் கடமைபுரியும் எட்டு கதிரியக்க சிகிச்சை

 தொழில்நுட்பவியலாளர்கள் சிகிச்சைக்கு வரும் புற்றுநோயாளிகளுடன் அடாவடியில் ஈடுபடுவதாக பாதிக்கப்பட்ட நோயாளர்கள் 28.09.2020.அன்றுயாழ் போதனா வைத்தியசாலையின் பிரதிப் பணிப்பாளர்

 ஸ்ரீபவானந்தராஜாவை சந்தித்து 

முறையிட்டுள்ளனர்.

கடந்த இரண்டு மாதங்களுக்கு மேலாக கதிரியக்க சிகிச்சை தொழில்நுட்ப வியலாளர்கள் நாடு பூராகவும் தொழிற்சங்க போராட்டத்தில் ஈடுபட்டு வருவதன் காரணமாக கடந்த இரண்டு மாதங்களாக குறித்த உத்தியோகத்தர்கள் கடமை புரிவது இல்லை, எனினும் புற்று நோய் 

இனங்காணப்பட்ட நோயாளிக்கு குறித்த கதிரியக்க சிகிச்சை அளிக்காவிடில் மீண்டும் புற்றுநோய் பரவும் நிலை காணப்படுகின்ற நிலையில் கடந்த 2 மாதங்களுக்கும் மேலாக குறித்த ஊழியர்கத் புற்றுநோய் சிகிச்சைக்கு வரும் நோயாளிகளுடன் முரண்பட்டு அவர்களை திருப்பி அனுப்புகின்றனர் எனக் கூறப்படுகிறது.

குறிப்பாக வடக்கு மாகாணத்தில் தெல்லிப்பளை புற்றுநோய் வைத்தியசாலை மட்டுமே புற்றுநோய்க்கு சிகிச்சை வழங்கும் நிலையமாக காணப்படுகின்றது. மட்டக்களப்பு, திருகோணமலை, வவுனியா, 

மன்னார் மற்றும் ஏனைய மாவட்டங்களில் இருந்தும் புற்றுநோய் சிகிச்சைக்காக வருகைதரும் நோயாளர்களை குறித்த 

உத்தியோகத்தர்கள் தங்களால் சிகிச்சை வழங்க முடியாது. நாங்கள் தொழிற்சங்க போராட்டத்தில் ஈடுபடுகிறோம் எனக் கூறி திருப்பி அனுப்புகின்ற நிலை காணப்படுகிறது.

எனினும் குறித்த உத்தியோகத்தர்கள் நோயாளிகளுக்கு சிகிச்சை வழங்காது. மேலதிக நேர கொடுப்பனவினை கடந்த இரண்டு மாதங்களாக பெற்றிருப்பதாக வைத்திய சாலை நிர்வாகத்தினரால் 

சுட்டிக்காட்டப்படுகிறது.

எனவே இன்றைய தினம் புற்றுநோய் சிகிச்சைக்கு சென்று திருப்பி அனுப்பப்பட்ட 5 நோயாளிகள் யாழ்ப்பாணம் போதனா வைத்தியசாலை பிரதிப் பணிப்பாளர் ஸ்ரீபவானந்தராஜாவை சந்தித்து தமது குற்றச்சாட்டை முன் வைத்திருந்தார்கள்.

இது தொடர்பில் வைத்தியசாலை பிரதிப் பணிப்பாளர் ஊடகங்களுக்கு கருத்து தெரிவிக்கையில்,

“குறித்த விடயம் தொடர்பில் எமக்கு பல்வேறு முறைப்பாடுகள் கிடைத்துள்ளது. அது தொடர்பில் சுகாதார அமைச்சு மட்டத்திலும் தெரிவித்திருக்கிறோம். நேற்றைய தினம் கூட குறித்த 

தொழிற் சங்கத்தினருடன் கொழும்பில் பேச்சுவார்த்தை நடத்தியிருந்தோம். எனினும் அவர்கள் உடன்படுவதாக இல்லை. எனினும் விரைவில் குறித்த உத்தியோகத்தர்கள் 8 பேருக்கும் உரிய நடவடிக்கை 

எடுக்கப்படும்.

கடந்த இரண்டு மாதங்களாக அந்த எட்டு உத்தியோகத்தர்களும் மேலதிக கொடுப்பனவை பெற்றமை சம்பந்தமாக அதனை மீள் பரிசீலனை செய்வதற்கான அறிக்கை ஒன்றும் 

தயாரிக்கப்பட்டுள்ளது. அதேபோல் யாழ்ப்பாணம் போதனா வைத்தியசாலையின் ஆளுகைக்குட்பட்ட

 தெல்லிப்பளை புற்றுநோய் வைத்தியசாலை 20 கிலோமீட்டர் தொலைவில் இருப்பதால் அங்கேயுள்ள வைத்திய 

நிபுணர்களினாலேயே குறித்த உத்தியோகத்தர்கள் கண்காணிக்கப்படுகின்றனர்.

எனினும் இனிவரும் காலத்தில் அவர்களின் நடவடிக்கைகள் தொடர்பில் உரிய நடவடிக்கை எடுக்கப்பட்டு பாதிக்கப்பட்ட

 நோயாளர்கள் இனிமேலும் பாதிக்கப்படாத வண்ணம் வெகுவிரைவில் நடவடிக்கை 

எடுக்கப்படும்” எனக்குறியுள்ளார் ,

நிலாவரை.கொம் செய்திகள் >>>>>

முல்லையில் அரசுக்கு எதிராக முழு அடைப்பு; பொலிஸார் மிரட்டல்

தமிழர்களின் நினைவேந்தல் உரிமையை தடுத்த அரசுக்கு எதிராக ஒன்றிணைந்த தமிழ் தேசிய கட்சிகளின் ஏற்பாட்டில்.28-09-20. இன்றைய தினம்வடக்கு கிழக்கில் ஹர்த்தால் அனுஷ்டிக்கப்படும் நிலையில் பல்வேறு பகுதிகதிளில் பொலிஸாரால் அச்சுறுத்தல் 

விடுக்கப்பட்டுள்ளது.

இதன்படி முல்லைத்தீவு நகர கடைகளை திறக்குமாறு தமிழ் வர்த்தகர்களுக்கு பொலிஸார் அச்சுறுத்தல்

 விடுத்துள்ளனர்.

எனினும் அங்கும் வர்த்தகர்கள் கடைகளைத் திறக்காமல் ஹர்த்தாலுக்கு ஆதரவு வழங்கியுள்ளனர்

நிலாவரை.கொம் செய்திகள் >>>

யாழ்ப்பாணம் அரசின் அடாவடியை எதிர்த்து முடங்கியது

 

தமிழர்களின் நினைவேந்தல் உரிமையை தடுத்த அரசுக்கு எதிராக ஒன்றிணைந்த தமிழ் தேசிய கட்சிகளின் ஏற்பாட்டில் இன்றைய தினம் (28) வடக்கு கிழக்கில் அனுஷ்டிக்க அழைப்பு விடுக்கப்பட்ட ஹர்த்தாலுக்கு யாழ்ப்பாணம் மக்கள் பூரண ஆதரவினை 

வழங்கியுள்ளார்கள்.

ஹர்த்தாலினால் யாழ்ப்பாண நகரம் முற்றாக முடங்கியதுடன், யாழ்ப்பாண வர்த்தக நிலையங்கள் அனைத்தும் மூடப்பட்டுள்ளன. பாடசாலைகளுக்கு மாணவர்கள் செல்லவில்லை. இதனால் பாடசாலைகள்

 மூடப்பட்டுள்ளன.

பொது மக்கள் வீதிகளில் பயணிக்கவில்லை, அத்தியாவசிய சேவைகள் தவிர்ந்த அனைத்து சேவைகளும் இன்றைய தினம் ஸ்தம்பிதம் 

அடைந்துள்ளன.

குறித்த அழைப்பிற்கு தமிழ் மக்கள் பூரண ஒத்துழைப்பினை வழங்கி தமது ஆதரவினை அளித்துள்ளார்கள், எனினும் நேற்றைய தினம் இன்றைய ஹர்தாலுக்கு எதிராக அரசுடன் இயங்கும் சிலர் யாழில் போராட்டம் முன்னெடுத்த போதும், தமிழ் மக்கள் ஹர்தாலுக்கு பூரண ஆதரவினை வழங்கியுள்ளனர்.

நிலாவரை.கொம் செய்திகள் >>>

வவுனியாவில் கடைகளைத் திறக்குமாறு பொலிஸார் அட்டகாசம்

தமிழர்களின் நினைவேந்தல் உரிமையை தடுத்த அரசுக்கு எதிராக ஒன்றிணைந்த தமிழ் தேசிய கட்சிகளின் ஏற்பாட்டில்.28-09-20. இன்றைய தினம் வடக்கு கிழக்கில் ஹர்த்தால் அனுஷ்டிக்கப்படும் நிலையில் வவுனியாவில் பொலிஸார் அச்சுறுத்தல்

 விடுத்துள்ளனர்.

இதன்படி வவுனியா பசார் வீதியில் உள்ள கடைகளை திறக்குமாறு தமிழ் வர்த்தகர்களுக்கு பொலிஸார் அச்சுறுத்தல்

 விடுத்துள்ளனர்.

இதனை தமிழ் தேசிய மக்கள் முன்னணி தெரிவித்துள்ளது.

எனினும், வர்த்தகர்கள் கடைகளைத் திறக்காமல் ஹர்த்தாலுக்கு ஆதரவு வழங்கியுள்ளமை குறிப்பிடத்தக்கது

நிலாவரை.கொம் செய்திகள் >>>

யாழ் அச்சுவேலியில் பாதுகாப்பு படைகள் அராஜகம்; வலிகிழக்கு தவிசாளருக்கும் மிரட்டல்

 

தமிழர்களின் நினைவேந்தல் உரிமையை தடுக்கும் அரசுக்கு எதிராக வட,கிழக்கில் ஹர்த்தால் அனுஷ்டிக்கப்படும் நிலையில் யாழ் –அச்சுவேலி பகுதியில் இராணுவமும் , பொலிஸார் இணைந்து அச்சுறுத்தல் விடுத்து சில கடைகளை திறக்க செய்துள்ளனர்.

அச்சுவேலி பகுதியில் கடைகளை திறக்குமாறு கடை உரிமையாளர்களுக்கு பொலிஸாரும், இராணுவத்தினரும் இணைந்து அச்சுறுத்தல் விடுத்து வந்த நிலையில் அங்கு சென்ற வலிகிழக்கு பிரதேச சபையின் தவிசாளர் நிரோசுக்கு பொலிஸ், இராணுவம் மற்றும் புலனாய்வாளர்களால் அச்சுறுத்தல் விடுக்கப்பட்டுள்ளது.

அச்சுவேலி சந்தியில் உள்ள பேருந்து தரிப்பிடத்துக்கு முன் இராணுவம், பொலிஸார் குவிக்கப்பட்டுள்ளனர். இராணுவ உயரதிகாரிகள் சொகுசு வாகனங்களில் அப்பகுதியில் பிரசன்னமாயிருந்தனர். சந்தியை சூழவும் புலனாய்வாளர்கள் குவிக்கப்பட்டுள்ளனர்.

சம்பவம் தொடர்பில் வலி கிழக்கு பிரதேச சபைத் தவிசாளர் நிரோஷ் கருத்து தெரிவிக்கையில்,

“நானும் உப தவிசாளரும் சென்று கடை உரிமையாளர்களிடம் பேசிய போது அவர்கள் தங்களை கடைகளை திறக்குமாறு பொலிஸாரும், இராணுவ புலனாய்வாளர்களும் அச்சுறுத்தியதாக

 தெரிவித்தனர். பஜிரோ ரக வாகனத்தில் வந்த இராணுவ உயரதிகாரிகள் என்னுடைய வாகனத்துக்கு 

முன்பாகவும், பின்பாகவும் பல தடவைகள் இடையூறு விளைவித்து அச்சுவேலி மத்தியகல்லூரி முன் வீடியோவும் எடுத்தார்கள். இந்த விடயம் தவிசாளர் என்கிற முறையில் என்னை அச்சுறுத்துகின்ற

 விடயமாகும்.

இப்போதும் கூட இங்கே ஒரு பதற்றமான சூழ்நிலை இருக்கின்றது. இராணுவத்தினர் தலையிட்டு பூட்டுகின்ற கடைகள் தொடர்பில் அவதானிப்பை செலுத்துகின்றனர். உங்களை கைது 

செய்வோம் என அச்சுவேலிப் பொலிஸார் மிரட்டினர். அச்சுறுத்தப்பட்டு கடைகள் திறக்க வைக்கப்பட்டால் தவிசாளர் என்கிற முறையில் கடைக்காரர்களிடம் கேட்டறிவதாக

 பொலிஸாரிடம் கூறினேன். இராணுவ அச்சுறுத்தலின் பேரில் இங்கே சில கடைகள் திறக்கப்பட்டுள்ளன. எமது தலையீட்டால் வர்த்தகள் கடைகளை 

மூடியுள்னர்--என்பது குறிப்பிடத்தக்கது 

இங்குஅழுத்தவும் நிலாவரை.கொம் செய்திகள் >>>

 

யாழ் பல்கலை மாணவர் ஒன்றியம் ஹர்த்தாலுக்கு ஆதரவு

யாழ் பல்கலைக்கழக மாணவர் ஒன்றியம் நினைவேந்தலை தடையை கண்டித்து முன்னெடுக்கப்படும் வடக்கு கிழக்கு தழுவிய பூரண ஹர்த்தாலுக்கு ஆதரவு வழங்குவதாக யாழ் பல்கலைக்கழக மாணவர் ஒன்றியம் 

தெரிவித்துள்ளது.

இயாழ்.பல்கலைக்கழக கலைப்பீட மாணவர் ஒன்றியமும் ஆதரவு தெரிவித்துள்ளமை குறிப்பிடத்தக்கது.

நிலாவரை.கொம் செய்திகள் >>>

இலங்கையைச் சுற்றி குற்றவாளிகள் தப்பிச் செல்வதை தடுக்க பாதுகாப்பு வலயம்

இலங்கையைச் சுற்றி தீவிர பாதுகாப்பு வலயங்கள் அமைக்கப்பட்டுள்ளதாக பாதுகாப்பு அமைச்சு தெரிவித்துள்ளது.நாட்டிலிருந்து குற்றவாளிகள் தப்பிச் செல்வதை தடுப்பதற்கும் சட்டவிரோதமாக

 நாட்டிற்கு நுழைவதனை தடுப்பதற்கும், தடை

 செய்யப்பட்ட பொருட்களை நாட்டிற்குள் கொண்டு வருவதனை தடுப்பதற்கும் தீவிர பாதுகாப்பு வலயம் ஒன்றை செயற்படுத்துவதற்கு பாதுகாப்பு அமைச்சு நடவடிக்கை மேற்கொண்டுள்ளது.

அதற்காக முப்படையினர், விசேட அதிரடிப்படையினர், பொலிஸார் மற்றும் வடக்கு மீனவ பிரஜைகளின் ஆதரவும் இதற்காக 

கிடைத்துள்ளது.நாட்டின் பாதுகாப்பு தொடர்பில் அவசியமான அனைத்து நடவடிக்கைகளும் மேற்கொள்ளப்பட்டுள்ளதாகவும், தேசிய பாதுகாப்பிற்கான முடிந்த அளவு செயற்படுவதாகவும் இராணுவ 

ஊடக பேச்சாளர் பிரிகேடியர் சந்தன விக்ரமசிங்க தெரிவித்துள்ளார்.சட்டவிரோத குடியேறிகள் நாட்டிற்குள் நுழைவதனை தடுப்பதற்காவே வடக்கு மீன்பிடி பிரஜைகளின் பாதுகாப்பு குழுவின் ஆதரவு பெற்றுக்கொள்ளப்பட்டுள்ளது.மேலும்,

 பொலிஸாரினால் நாட்டினுள் சிவில் சட்டம் செயற்படுத்தும் போது நாட்டின் கடன் வழியான தப்பி செல்ல முயற்சிக்கும் நபர்கள் தொடர்பில் தீவிர அவதானம் செலுத்தப்பட்டுள்ளதாக கடற்படை ஊடக பேச்சாளர் 

தெரிவித்துள்ளார்.

நிலாவரை.கொம் செய்திகள் >>>