யாழில் மறக்க முடியா தட்டிவான் போக்குவரத்து உங்களுக்கு நினைவிருக்கோ

நாம் மறக்க முடியா தட்டிவான் தட்டிவான் நினைவிருக்கோ யாழ்ப்பாணத்தின்ர மறக்க முடியாத ஒரு போக்குவரத்து!

90s, 2000s காலத்தில யாழ்ப்பாணத்தில வளர்ந்தவையளுக்கு இந்தத் தட்டிவான் ஒரு வாகனம் மட்டுமில்ல… அது ஒரு தனி அனுபவம்!

எனக்கு இப்பவும் நல்லா ஞாபகம் இருக்கு… யாழ்ப்பாண Townல இருந்து குறிகட்டுவானுக்கு, நயினாதீவு போறதுக்காக கன தரம் இந்தத் தட்டிவானில போயிருப்பன்!

அந்தக் காலத்தில CTB பஸ்ஸுக்கு அடுத்தபடியா எங்களுக்கிருந்த இன்னொரு முக்கியமான போக்குவரத்து இந்தத் தட்டிவான் தான்.

இதில Seat கொஞ்சம்தான் இருக்கும் (Seat எண்ட பேர்ல ரெண்டு பக்கமும் நீளத்துக்கு பலகை அடிச்சிருப்பாங்கள்). ஆனா ஏறுற சனத்துக்கு அளவே இருக்காது!

மேல கெரியரில மூட்டை முடிச்சுகள கட்டி ஏத்துவாங்கள்… உள்ளுக்க நடுவிலயும் சாமான்களை அடுக்கி வைப்பாங்கள். அதுக்கு மேல சனம் வேற குந்தியிருக்கும்!

பின்னுக்கு கயிறுகள் தொங்கும். அதைப் பிடிச்சுக்கொண்டு ஃபுட்போட்டில நிண்டு போறதுக்கெண்டே ஒரு க்ரவுட் இருக்கும்.ஆனா உண்மையான சாகசம் எங்க தெரியுமோ?

பண்ணை றோட்டும், வேலணை பாலமும், Full body massage இலவசமா கிடைக்கும். மலயான் கபேல விடிய காலம தோசையும் வடையும் ஒரு கட்டு கட்டிட்டு வந்தா ஊருக்கு போய் சேர்றதுக்குள்ள அதது அந்த அந்த இடத்தில போய் செட்டிலாகி அடுத்த பசியும் வந்திடும்.

2000 காலப்பகுதியில அந்த றோட்டின்ர நிலைமை தெரிஞ்சவையளுக்குத் தெரியும்!

குண்டும் குழியுமா இருக்கும். தட்டிவான் ஒரு குழிக்க இறங்கினா போதும்.

உள்ளுக்க இருக்கிற எல்லாரும் ஒருக்கா மேல எழும்பி, திரும்ப சீற்றில வந்து விழுவம்!ஒரு குழியில விழுந்து எழும்புறதுக்குள்ள அடுத்த 

குழி வந்திடும்!

ட்றைவர் அண்ணை ஸ்ரியறிங்கைத் திருப்புறாரோ, இல்ல தட்டிவானையும் சேர்த்து திருப்புறாரோ எண்டு அடிக்கடி எட்டி பாத்து கன்போர்ம் பண்ணிடனும்.

சீற்றில இருந்தாலும் ஆட்டம்… நிண்டாலும் ஆட்டம்… ஃபுட்போட்டில நிண்டவையளுக்கு இலவசமா காத்தும் அடிக்கும், அதுவும் சாரம் கட்டிட்டு கைத்த பிடிச்சு தொங்கிட்டு வாறவையள் நோக்கம் வேறயா

 இருக்கும்… 

அதுக்குள்ள எங்கட ஆக்களின்ர கதைகளுக்கும் குறைச்சலில்ல.

“அங்கால கொஞ்சம் தள்ளி இருங்கோவன்!”

“எங்க தள்ளுறது? இதுக்கு மேல தள்ளினா நான் வெளியிலதான் இருக்க வேணும்!”

“அம்மா பிள்ளைய தூக்கி மடில இருத்துங்கோ, அண்ண ஒரு எப்பன் தள்ளி இருங்க. “

“அண்ணை, கொஞ்சம் பாத்து ஓட்டுங்கோ!”

றோட்டே இப்பிடித்தான் இருக்கு நான் என்ன செய்யிறது?”

இதெல்லாம் அந்தப் பயணத்தில கேக்கிற வழக்கமான

 வசனங்கள்!

அதுவும் திருவிழா டைம்ல சொந்தக்காரர் எல்லாருமா நயினாதீவுக்குப் போற பயணம் எண்டா சொல்லவே தேவையில்லை…

தட்டிவான் முழுக்க எங்கட ஆக்கள்… சிரிப்பு, பகிடி, கதைகள், பிள்ளையளின்ர சத்தம் எண்டு குறிகட்டுவான் போய்ச் சேருற வரைக்கும் ஒரே கொண்டாட்டம்தான்!

இண்டைக்கு எவ்வளவோ வசதியான வாகனங்கள் வந்திட்டுது. நல்ல றோட்டுகள், ஏசி வாகனங்கள் எண்டு பயணமே 

மாறிப்போச்சு.

ஆனா அந்தத் தட்டிவானில அடிச்ச காத்தும், பண்ணை றோட்டில வாங்கின குலுக்கலும், சொந்தக்காரரோட சேர்ந்து போன சந்தோசமும்…

அதெல்லாம் திரும்பக் கிடைக்காத பொக்கிஷமான 

நினைவுகள்! 

யாழ்ப்பாணத்தின்ர 90s, 2000s காலத்துக்குரிய ஒரு அடையாளம்தான் இந்தத் தட்டிவான்!உங்களில எத்தின பேர் இந்தத் தட்டிவானில பயணம் செய்திருக்கிறியள்?

பண்ணை றோட்டில தட்டிவானுக்குள்ள Seatல இருந்து போனத விட ஏர்லையே இருந்து போனவங்கள் தான் அதிகமா இருக்கும்.

தட்டிவான் படம் ஒண்டு கண்ணில பட்டிச்சு அது தான் பழைய காலத்துக்கு ஒருக்கா போயிட்டு வருவம் எண்டு…  

. என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

நடைபெற்ற அமெரிக்க இடைத்தேர்தலில் ஜனநாயகக் கட்சியினர் வரலாற்றுச் சிறப்புமிக்கவெற்றி

நடைபெற்ற அமெரிக்க இடைத்தேர்தலில்  ஜனநாயகக் கட்சியினர், பிரதிநிதிகள் சபை மற்றும் செனட் ஆகிய இரண்டின் கட்டுப்பாட்டையும் ஒரு மகத்தான மற்றும் வரலாற்றுச் சிறப்புமிக்க வெற்றியின் மூலம் கைப்பற்றியுள்ளனர்.

இந்த வெற்றி மூலம் அமெரிக் அதிபர் டொனால் டிரம்பின் பதவிக்காலத்தின் கடைசி இரண்டு ஆண்டுகளைக் கட்டுப்படுத்தும் குறிப்பிடத்தக்க அதிகாரத்தை வென்றுள்ளனர்.

தேர்தல் முடிவுகளை ஏற்றுக்கொள்வதாக டிரம்ப் 'தி நியூயார்க் டைம்ஸ்' பத்திரிகையிடம் கூறினார்.  இதன் மூலம், அவர் தேர்தல் முடிவை எதிர்த்து மேல்முறையீடு செய்வாரா என்பது குறித்த

 கேள்விகளுக்கு 

தற்போதைக்கு முற்றுப்புள்ளி வைத்தார்.மேலும், ஃபாக்ஸ் நியூஸ் உடனான ஒரு நேர்காணலில், குடியரசுக் கட்சியின் தோல்விகளை தனக்கு எதிரான தாக்குதலாக தாம் கருதவில்லை என்றும் அவர் கூறினார்.

ஜனநாயகக் கட்சியின் செனட் வெற்றிகள்: மிச்சிகன் செனட் இடத்தை அப்துல் எல்-சயீத் வெல்வார் என சிஎன்என் கணித்துள்ளது

. இதன் மூலம் அவர் அமெரிக்க வரலாற்றில் முதல் முஸ்லிம் செனட்டர் ஆவார் . ஓஹியோ, அயோவா, தென் கரோலினா, மெய்ன், வட கரோலினா, கேன்சஸ் மற்றும் டெக்சாஸ் ஆகிய மாநிலங்களில் உள்ள மேலும் 

ஏழு செனட் இடங்களை ஜனநாயகக் கட்சியினர் கைப்பற்றியுள்ளனர்.

செனட்டில் ஜனாநாயகக் கட்சி 54 இடங்கைளும் குடியரசுக்கட்சி 43 இடங்களையும் பெற்றது.

காங்கிரசில் (கவுஸ்) ஜனநாயகக்கட்சி 228 இடங்களையும் குடியரசுக்கட்சி 136 இடங்களையும் பெற்றது.

ஆளுநர் தோ்வில் ஜனநாயகக்கட்சி 26 இடங்களையும் குடியரசுக்கட்சி 18 இடங்களையும் பெற்றது.. என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

இலங்கைக்கு சிட்னியில் இருந்து வந்த விமானத்தில் மதுபோதையில் கலாட்ட இந்தியர்கள் கைது

இலங்கைக்கு சிட்னியிலிருந்து கட்டுநாயக்க, பண்டாரநாயக்க சர்வதேச விமான நிலையத்தை நோக்கிப் பயணித்த விமானத்தில் அட்டகாசத்தில் ஈடுபட்ட குற்றச்சாட்டில் இரண்டு இந்தியப் பிரஜைகளும், இந்திய வம்சாவளியைச் சேர்ந்த பிரித்தானியப் பிரஜை ஒருவரும் விமான நிலைய பொலிஸாரால் கைது செய்யப்பட்டுள்ளனர்.

மதுபோதையில் இருந்ததாகக் கூறப்படும் குறித்த மூன்று பயணிகளும், கடந்த வாரம் இடம்பெற்ற இந்த வான்வழிப் பயணத்தின்போது பெரும் இடையூறை ஏற்படுத்தியதாக பொலிஸார் தெரிவித்தனர்.

பொலிஸ் விசாரணைகளின்படி, பயணத்தின்போது உணவு விநியோகம் செய்வது தொடர்பாக விமானப் பணிக்குழுவினருடன் சந்தேகநபர்கள் தர்க்கத்தில் ஈடுபட்டுள்ளனர்.

இந்தத் தகராறின் போது, அவர்கள் உணவுக் கைவண்டியை தள்ளிவிட்டதாகக் குற்றம் சாட்டப்பட்டுள்ளது. இருப்பினும், இதனால் விமானத்தின் நுழைவாயில் பகுதிக்கு எவ்வித பெரிய சேதமும் ஏற்படவில்லை என விசாரணைகளில் தெரியவந்துள்ளது.

சந்தேகநபர்கள் மூவரும் சிட்னியிலிருந்து கட்டுநாயக்கவை வந்தடைந்ததுடன், அங்கிருந்து புதுடெல்லிக்கு மேலதிகப் பயணத்தை மேற்கொள்ளத் திட்டமிட்டிருந்ததாகக் கூறப்படுகிறது.

இதனைத் தொடர்ந்து கைது செய்யப்பட்ட மூவரும் நீதிமன்றத்தில் ஆஜர்படுத்தப்பட்டதை அடுத்து, அவர்களுக்கு பிணை வழங்கப்பட்டுள்ளதுடன், வழக்கின் அடுத்த கட்ட விசாரணை 05-11-2026-வியாழக்கிழமைஅன்று (நடைபெறவுள்ளது.

இதேவேளை, இச்சம்பவம் தொடர்பாக வெளியான சில வதந்திகளை ஸ்ரீலங்கன் எயர்லைன்ஸ் மற்றும் இலங்கை விமான நிலையங்கள் மற்றும் விமான சேவைகள் (தனியார்) நிறுவனம் ஆகியன மறுத்துள்ளன. 

என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

போலி உறுதிப் பத்திரங்கள் மூலம் யாழில் அரச காணிகளைச் சுவீகரிக்கும் மோசடி வலையமைப்பு

யாழில்  நீர்ப்பாசன திணைக்களத்தின் காணியை அடாத்தாக கையகப்படுத்தியிருந்த தனியாரிடம் இருந்து குறித்த காணியை பருத்தித்துறை நீதவான் நீதிமன்று மீட்டு , நீர்பாசன திணைக்களத்திடம் 

ஒப்படைத்துள்ளது. 

கரவெட்டி பிரதேச செயலகத்திற்கு உட்பட்ட காரணவாய் மேற்கு கிராம சேவையாளர் பிரிவில் நீர்ப்பாசன திணைக்களத்திற்கு சொந்தமான நீரேந்து பிரதேசத்தில் சுமார் 40 பரப்பு காணியை அடாத்தாக தனி நபர் ஒருவர் கையகப்படுத்தி , அதற்கு எல்லை வேலிகளையும் நட்டு 

வைத்திருந்தார்.

இது தொடர்பில் நீர்ப்பாசன திணைக்களத்தினரால் பருத்தித்துறை நீதவான் நீதிமன்றில் வழக்கு தாக்கல் செய்யப்பட்டு விசாரணைகள் நடைபெற்று வந்த நிலையில்  , விசாரணைகளின் அடிப்படையில் குறித்த காணி நீர்ப்பாசன திணைக்களத்திற்கு உரியது என்பதனை அறிந்து காணியை நீர்ப்பாசன திணைக்களத்திடம் கையளிக்க உத்தரவிட்டது. 

அதன் அடிப்படையில் இன்றைய தினம் செவ்வாய்க்கிழமை , நீதிமன்ற பதிவாளர் தலைமையிலான நீதிமன்ற உத்தியோகஸ்தர்கள் , நெல்லியடி பொலிசாரின் பாதுகாப்புடன் காணியை நீர்ப்பாசன திணைக்களத்திடம் கையளித்ததை அடுத்து , குறித்த காணியை சுற்றி நடப்பட்டிருந்த எல்லை வேலிகளை அகற்றும் நடவடிக்கை 

முன்னெடுக்கப்பட்டது.

அதேவேளை காணியை தற்போது உரிமை கோரிய நபருக்கு வேறு நபரே காணியை விற்பனை செய்ததாக 

அறிய மடிகிறது 

யாழ்ப்பாணத்தில் அரச காணிகள் , நீரேந்து பிரதேசமாக உள்ள நீர்ப்பாசன திணைக்களத்திற்க்கு சொந்தமான காணிகள் , காணி உரிமையாளர்களை அடையாளம் காண முடியாத காணிகள் என்பவற்றுக்கு போலி உறுதி முடிப்புக்கள் செய்து காணி மோசடியில் மிக பெரிய வலையமைப்பு செயற்படுவதாக கடந்த சில வருடங்களாக பொலிஸார் எச்சரித்து வருவது  

 என்பதும்  குறிப்பிடத்தக்கதாகும்

https://navatkirinew1.blogspot.com/2024/12/blog-post_7.html

நாட்டில் .உயிர்களைப் பறிக்கும் வீதி விபத்துகள்: அதிக வேகம், சாகச ஓட்டமே பிரதான காரணம்

விபத்துகளுக்கு  அதிக வேகம், சாகச ஓட்டமே பிரதான காரணம் என வைத்தியர் திரு  த.சத்தியமூர்த்தி கவலை வீதியை சாகசம் செய்யும்

 இடமாக கருதி , ஆபத்தான முறையில் மோட்டார் சைக்கிள்களை செலுத்தும் இளைஞர்கள் , விபத்துக்குள்ளாகி உயிரிழப்பதாகவும், கடந்த மாதம் மாத்திரம் வடக்கில் 09 இளைஞர்கள் வீதி விபத்துக்களில் சிக்கி உயிரிழந்துள்ளதாக யாழ்ப்பாணம் போதனா வைத்தியசாலை பணிப்பாளர் த.சத்தியமூர்த்தி 

தெரிவித்துள்ளார்

அதிகரித்துள்ள வீதி விபத்துக்கள் தொடர்பில் பணிப்பாளர் விடுத்துள்ள செய்தி குறிப்பிலையே அவ்வாறு குறிப்பிடப்பட்டுள்ளது. அதில் மேலும் குறிப்பிடப்பட்டுள்ளதாவது

அண்மைக்காலமாக வடமாகாணத்தில், குறிப்பாக யாழ்ப்பாணத்தில், இளைஞர்கள் உயிரிழக்கும் சம்பவங்கள் அதிக கவலையை 

ஏற்படுத்துகின்றன. 

தற்கொலைகள் ஒருபுறமும், வீதி விபத்துகள் மறுபுறமும் பல குடும்பங்களிடமிருந்து பெறுமதியான இளம் உயிர்களைப் பறித்துச் செல்கின்றன.

கடந்த அக்டோபர் மாதத்தில் மட்டும் கிடைக்கக்கூடிய தகவல்களின் அடிப்படையில் வடமாகாணத்தில் 9 பேர் வீதி விபத்துகளில் உயிரிழந்த சம்பவங்களை அடையாளம் காண முடிகிறது.

யாழ்ப்பாணம் போதனா வைத்தியசாலையின் சட்ட வைத்திய நிபுணரின் அவதானிப்பின்படி, இளைஞர்கள் சம்பந்தப்பட்ட சில கடுமையான விபத்துகளில் மது அருந்துதல், அதிக வேகம் மற்றும் வீதியை சாகசம் செய்யும் இடமாகக் கருதும் ஆபத்தான மனப்பாங்கு முக்கியமான பிரச்சினைகளாகக் காணப்படுகின்றன

விடுமுறை மற்றும் கொண்டாட்டக் காலங்களிலும் இத்தகைய ஆபத்தான நடத்தைகள் குறித்து அதிக கவனம் தேவை.

குறிப்பாக புதிய மோட்டார் சைக்கிள்களை வாங்கும் சில இளைஞர்கள் அவற்றின் வேகம் மற்றும் திறனைச் சோதிக்கும் விதத்தில் வீதிகளில் சாகசம் செய்ய முயற்சிப்பது மிகவும் ஆபத்தானது.

 சட்ட வைத்திய நிபுணரின் மருத்துவ அனுபவத்தில், இவ்வாறான ஆபத்தான ஓட்டுநர் நடத்தையுடைய சிலர் பின்னர் கடுமையான 

விபத்துகளுக்கு உள்ளாகி சட்ட வைத்திய உடற்கூற்றுப் பரிசோதனைக்கு வரும் துயரமான நிலையும், அல்லது உயிர் தப்பினாலும் கடுமையான மூளைக் காயங்களுடன் நரம்பியல் சத்திரசிகிச்சைப் பிரிவில் நீண்டகால உடல் மற்றும் நரம்பியல் பாதிப்புகளுடன் சிகிச்சை பெறும் நிலையும் காணப்படுவதாக சுட்டிக்காட்டப்பட்டுள்ளது.

பொலிஸார் கண்காணிப்பு, சோதனை மற்றும் சட்ட அமுலாக்க நடவடிக்கைகளை மேற்கொண்டாலும் சட்டம் மட்டும் உயிர்களைக் காப்பாற்ற முடியாது. ஒவ்வொரு வாகன ஓட்டுநரிடமும் பொறுப்புணர்வு 

உருவாக வேண்டும்.

* வீதி பந்தயத் திடல் அல்ல.

* வாகனம் ஓட்டும்போது தொலைபேசியில் காணொளி எடுப்பது , செல்பி எடுக்க வேண்டாம்.

*  மது அருந்தியிருந்தால் வாகனத்தைத் தொடவே வேண்டாம்.

* தரமான தலைக்கவசத்தை முறையாக அணியுங்கள்.

* தேவையற்ற வேகம் மற்றும் ஆபத்தான முறையில் வாகனங்களை முந்தி செல்ல  வேண்டாம்.

* பெற்றோர்களும் குடும்பத்தினரும் இளைஞர்களுடன் வீதிப் பாதுகாப்பைப் பற்றித் தொடர்ந்து பேசுங்கள்.

ஒரு விபத்து ஒரு இளைஞரின் உயிருடன் முடிவதில்லை. பெற்றோரின் கனவுகள், குடும்பத்தின் எதிர்காலம், நண்பர்களின் மகிழ்ச்சி – அனைத்தையும் ஒரே நொடியில் மாற்றிவிடுகிறது.

வேகத்தில் வீரத்தைக் காட்ட வேண்டாம்.பாதுகாப்பாக வீடு திரும்புவதில்தான் உண்மையான வெற்றி இருக்கிறது என அதில் குறிப்பிடப்பட்டுள்ளது 

என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

மாணவர் போராட்டம் பிரான்ஸில் தீவிரம் பல உயர்நிலைப் பள்ளிகள் முடக்கம்

வாழ்க்கைச் செலவு அதிகரிப்பு மற்றும் பொதுச் சேவைகளின் குறைபாடுகளுக்கு எதிராக பிரான்ஸில் முன்னெடுக்கப்பட்டு வரும் மாணவர் போராட்டங்கள் தீவிரமடைந்துள்ளன. இதன் காரணமாக பாரிஸ், ரென்னஸ்,

 துலூஸ் மற்றும் லியோன் உள்ளிட்ட நகரங்களில் 

உள்ள 48 உயர்நிலைப் பள்ளிகள் முடக்கப்பட்டுள்ளதாக அதிகாரிகள் தெரிவித்துள்ளனர்.

எனினும், மாணவர் சங்கமான யூனியன் சிண்டிகேல் லைசென் (USL), சுமார் 500 கல்வி நிறுவனங்கள் முடக்கப்பட்டுள்ளதாகக் கூறி அதிகாரிகளின் புள்ளிவிவரங்களை மறுத்துள்ளது.

பள்ளிகளுக்கு வெளியே மாணவர்கள் மீது மேற்கொள்ளப்படும் கடுமையான காவல்துறை நடவடிக்கைகளுக்கும் கலவரத் தடுப்புப் பிரிவினரின் தலையீட்டுக்கும் மாணவர் சங்கங்கள் கண்டனம்

                                                          தெரிவித்துள்ளன.                                                                                                                                                                                                                                                   மாணவர் போராட்டங்களை ஒடுக்குவதற்கும், எதிர்வரும் வியாழக்கிழமை நடைபெறவுள்ள போராட்ட அணிதிரட்டலைத் தடுப்பதற்கும் இத்தகைய நடவடிக்கைகள் மேற்கொள்ளப்படுவதாக தொழிற்சங்கப் பிரதிநிதிகள் குற்றஞ்சாட்டியுள்ளனர்.

வடமேற்கு பிரான்ஸின் ரென்னஸ் நகரில் அமைந்துள்ள பிரெக்விக்னி உயர்நிலைப் பள்ளியின் நுழைவுப் பாதையை சுமார் 30 மாணவர்கள் மறித்துப் போராட்டத்தில் ஈடுபட்டனர். இதன்போது மாணவர்களுக்கும் பள்ளி நிர்வாக உறுப்பினர் ஒருவருக்கும் இடையே கருத்து முரண்பாடு ஏற்பட்டதாகத் தெரிவிக்கப்படுகிறது.

வாழ்க்கைச் செலவு அதிகரிப்பு, போதிய பொதுச் சேவைகள் இல்லாமை மற்றும் கல்வி நிர்வாக நடைமுறைகளில் காணப்படும் குறைபாடுகள் ஆகியவற்றுக்கு எதிராகவே இந்தப் போராட்டங்கள் முன்னெடுக்கப்படுகின்றன.

கடந்த மூன்று வார இறுதி நாட்களாக இடம்பெற்ற

 போராட்டங்களில் இலட்சக்கணக்கான மக்கள் பங்கேற்றுள்ளனர். கடந்த ஒக்டோபர் 17ஆம் திகதி பிரான்ஸில் பல ஆண்டுகளுக்குப் பின்னர் ஏற்பட்ட கடுமையான கலவரங்களுக்கும் இந்த இயக்கம் வழிவகுத்ததாகத் 

தெரிவிக்கப்படுகிறது.

இதேவேளை, பெல்ஜியம், இத்தாலி மற்றும் ஸ்பெயின் உள்ளிட்ட ஐரோப்பிய நாடுகளிலும் இந்த மாணவர் இயக்கத்தின் தாக்கம்

 பரவியுள்ளது.

மாணவர் சேர்க்கை நடைமுறையில் வெளிப்படைத்தன்மையை ஏற்படுத்துவது உள்ளிட்ட சில கோரிக்கைகளை நிறைவேற்றும் நோக்கில் பிரெஞ்சு அரசாங்கம் கடந்த வாரம் சீர்திருத்த முன்மொழிவுகளை வெளியிட்டிருந்தது. எனினும், அவை போதுமானதாக இல்லை என மாணவர் தலைவர்கள்

 தெரிவித்துள்ளனர் 

மேலும், நாடு தழுவிய வேலைநிறுத்தத்திற்கு தொழிற்சங்கங்கள் அழைப்பு விடுத்துள்ளதுடன், வியாழக்கிழமை மாணவர்கள் மீண்டும் சாலை மறியல் போராட்டங்களில் ஈடுபடத் திட்டமிட்டுள்ளனர்.

என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

முரசு' புயல்:இன்று நள்ளிரவு கரையை கடக்கிறது கொந்தளிப்பாகக் காணப்படும் கடல் பகுதிகள்

முரசு' புயல் வங்காள விரிகுடாவின் மேற்கு-மத்திய மற்றும் அதனை ஒட்டிய தென்மேற்குப் பகுதியில் மையம் கொண்டிருந்த 'முரசு' புயல், தீவிரப் புயலாக வலுவடைந்துள்ளதாக வளிமண்டலவியல் திணைக்களம் அறிவித்துள்ளது.

இந்த புயல் தொகுதி வடக்கு நெட்டாங்கு 13.9°N மற்றும் கிழக்கு

 அகலாங்கு 81.8°E அருகில் அமைந்திருந்ததாக அந்தத் திணைக்களம் சுட்டிக்காட்டியுள்ளது

இந்த தீவிரப் புயலானது வடமேற்குத் திசையை நோக்கி நகர்ந்து, இன்றைய தினம் திங்கட்கிழமை நள்ளிரவுக்கும் நாளைய தினம் செவ்வாய்க்கிழமை அதிகாலைக்கும் இடைப்பட்ட காலத்தில் தெற்கு ஆந்திரப் பிரதேசக் கரையை ஊடுருவக்கூடும் என எதிர்பார்க்கப்படுகிறது.

எச்சரிக்கை விடுக்கப்பட்டுள்ள கடல் பகுதிகளில் காற்றின் வேகம் இடைக்கிடையே மணித்தியாலத்திற்கு 70 முதல் 80 கிலோமீற்றர் வரை அதிகரிக்கக்கூடும் என்பதோடு, பலத்த இடியுடன் கூடிய மழை பெய்யக்கூடும்.

இதன் காரணமாக அப்பகுதிகளில் கடல் கொந்தளிப்பாகக் காணப்படும் எனவும் தெரிவிக்கப்பட்டுள்ளது.

நிலைமையைக் கருத்திற் கொண்டு வளிமண்டலவியல் திணைக்களம் பின்வரும் அவசர அறிவுறுத்தல்களை

 வழங்கியுள்ளது.

10N-17N மற்றும் 80E-90E ஆகிய எல்லைகளுக்குட்பட்ட ஆழ்கடற்பகுதிகளுக்கு மறு அறிவித்தல் வரை செல்ல வேண்டாம் என கடற்படை மற்றும் கடற்றொழிலாளர்கள் கேட்டுக்கொள்ளப்படுகின்றனர்.

ஏற்கனவே குறித்த கடற்பகுதிகளில் தொழிலில் ஈடுபட்டுள்ளவர்கள் உடனடியாகப் பாதுகாப்பான இடங்களுக்கு செல்லுமாறு அறிவுறுத்தப்பட்டுள்ளனர்.

மன்னாரிலிருந்து காங்கேசன்துறை ஊடாக திருகோணமலை வரையான கடற்பரப்புகளில் ஆழ்கடலுக்குச் செல்வதைத் தவிர்க்குமாறும் எச்சரிக்கப்பட்டுள்ளது

குறித்த கடற்பரப்புகளில் நடவடிக்கைகளில் ஈடுபடும் கடற்படை மற்றும் கடற்றொழிலாளர்கள் மிகவும் விழிப்புடன் இருப்பதுடன், வளிமண்டலவியல் திணைக்களத்தினால் வெளியிடப்படும் எதிர்கால வானிலை அறிக்கைகளை அவதானிக்குமாறும் கோரப்பட்டுள்ளனர்.என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html