கர்நாடகவில் இரண்டு மாத குழந்தையின் வயிற்றில் இருந்த முழு வளர்ச்சியடைந்த கரு

இரண்டு   மாத குழந்தையின் வயிற்றில், முழு வளர்ச்சியடைந்த கரு இருந்த அரிதான நிகழ்வு கண்டறியப்பட்டுள்ளது. கர்நாடக மாநிலம், ராய்ச்சூர் மாவட்டம், சிந்துனூரை சேர்ந்த 2 மாத ஆண் குழந்தையின் வயிறு வழக்கத்தை விட அதிகமாக வீங்கியிருந்தது. மேலும், சாப்பிட்டதை ஜீரணிக்க முடியாததால், குழந்தை தொடர்ந்து வாந்தி எடுத்ததால் கவலையடைந்த பெற்றோர், சிகிச்சைக்காக குழந்தையை சிந்தானூரில் உள்ள மருத்துவமனைக்கு 

அழைத்து சென்றனர்.

அங்கு குழந்தையின் வயிற்றில் கட்டி போன்ற ஒன்று உள்ளதாக கருதிய மருத்துவர்கள், மருத்துவ பரிசோதனை செய்த போது குழந்தையின் வயிற்றில் முழு வளர்ச்சியடைந்த மற்றொரு கரு இருப்பது 

கண்டறியப்பட்டது.

தாயின் கருப்பையில் இரட்டைக் குழந்தைகள் உருவாகும் போது, 2 கருக்களில் ஒன்றின் வளர்ச்சி அசாதாரணமாக

 நின்றுவிடுகிறது.

வளர்ச்சியடையாத அந்தக் கரு, ஆரோக்கியமாக வளர்ந்து வரும் மற்ற கருவின் உடலுடன் இணைந்துவிடுகிறது. இது மருத்துவ துறையில் கருவுக்குள் கரு (fetus in foetus) என அழைக்கப்படுகிறது.

உலகில் பிறக்கும் ஒவ்வொரு 50 லட்சம் இரட்டையர்களில் ஒருவருக்கு மட்டுமே இது ஏற்படுகிறதாக கூறப்படுகிறது.

இதுவரை, இந்தியாவில் உள்ள மருத்துவ இதழ்களில் பதிவான வழக்குகளில் இது வெறும் 230 மட்டுமே. இது கர்நாடகாவில் பதிவான 3வது நிகழ்வாகும்.

குழந்தைக்கு அறுவை சிகிச்சை செய்து கருவை அகற்ற

 வேண்டிய சூழல் உள்ள நிலையில், 2 மாதங்களே ஆவதால் குழந்தை தீவிர கண்காணிப்பில் உள்ளது. மேலதிக சிகிச்சைக்காக, குழந்தை பெல்லாரியில் உள்ள VIMS மையத்திற்கு அனுப்பப்பட்டுள்ளது. என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

இன்று லண்டனுக்குப் புறப்பட்ட ஸ்ரீலங்கன் விமானம் கட்டுநாயக்கவில் அவசரமாகத் தரையிறக்கம்

கட்டுநாயக்க விமான நிலையத்திலிருந்து இன்று (28) பிற்பகல் இங்கிலாந்தின் லண்டன் நகர் நோக்கிப் புறப்பட்ட ஸ்ரீலங்கன் விமான சேவைக்குச் சொந்தமான UL-503 என்ற Airbus A330 ரக விமானம், புறப்பட்ட சிறிது 

நேரத்திலேயே பறவை மோதியதால் மீண்டும் கட்டுநாயக்க விமான நிலையத்திலேயே அவசரமாகத் தரையிறக்கப்பட்டுள்ளது

குறித்த விமானம் இன்று பிற்பகல் 12:55 மணிக்கு லண்டன் நோக்கிப் புறப்பட்டிருந்ததாக ஸ்ரீலங்கன் விமான சேவையின் நிறுவனத் தொடர்பாடல் பிரிவின் பேச்சாளர் ஒருவர் தெரிவித்தார்.

விமானத்தில் 269 பயணிகளும் 15 பணியாளர்களும்

 இருந்துள்ளனர்.

பறவை மோதியதைத் தொடர்ந்து, விமானி வான்வெளியிலேயே நிலைமையைக் கட்டுப்படுத்தி, விமானத்தை மீண்டும் கட்டுநாயக்க விமான நிலையத்திற்குப் பாதுகாப்பாகத் தரையிறக்கினார்.

தரையிறக்கப்பட்டதைத் தொடர்ந்து, பயணிகள் அனைவரும் பாதுகாப்பாக வெளியேற்றப்பட்டு அவர்களுக்குத் தேவையான உபசரிப்புகளை வழங்க ஸ்ரீலங்கன் விமான சேவை நடவடிக்கை எடுத்தது.

பின்னர், அந்தப் பயணிகளை வேறொரு விமானம் மூலம் இங்கிலாந்தின் ஹீத்ரோ (Heathrow) விமான நிலையத்திற்கு அனுப்பி வைக்க ஏற்பாடுகள் செய்யப்பட்டுள்ளன.

பாதிப்புக்குள்ளான விமானம் தற்போது பழுதுபார்க்கும் பணிகளுக்காக அனுப்பப்பட்டுள்ளதாக விமான நிறுவனம் மேலும் தெரிவித்துள்ளது. 

என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

நாட்டில் ஹோமாகம பொலிஸ் நிலைய குற்றத்தடுப்புப் பிரிவின் பொறுப்பதிகாரி கைது

நாட்டில் பொலிஸ் காவலில் இருந்த போது இளைஞர் ஒருவர் உயிரிழந்த சம்பவம் தொடர்பாக பணி இடைநீக்கம் செய்யப்பட்டுள்ள ஹோமாகம பொலிஸ் நிலையத்தின் குற்றத்தடுப்புப் பிரிவின் பொறுப்பதிகாரி, மேல் மாகாண தெற்கு குற்றத்தடுப்புப் பிரிவினரால் கைது 

செய்யப்பட்டுள்ளா

போதைப்பொருள் குற்றச்சாட்டு தொடர்பாக கைது செய்யப்பட்ட சந்தேகநபர் ஒருவர், ஹோமாகம பொலிஸ் நிலையக் காவலில் வைக்கப்பட்டிருந்த போது உயிரிழந்த சம்பவத்திற்காக அவர் பணி இடைநீக்கம்

 செய்யப்பட்டுள்ளார்.

இச்சம்பவம் தொடர்பாக அவருக்கு மேலதிகமாக, அப்பொலிஸ் நிலையத்தின் உப பொலிஸ் பரிசோதகர் ஒருவர் மற்றும் பொலிஸ் சார்ஜன்ட் ஒருவரின் சேவையும் தற்போது இடைநிறுத்தப்பட்டுள்ளது.

இச்சம்பவத்தில் உயிரிழந்தவர் கிரிவத்துடுவை பிரதேசத்தைச் சேர்ந்த இஷார ஹர்ஷ குமார எனும் 29 வயதுடைய இரண்டு பிள்ளைகளின் 

தந்தையாவார்.

பொலிஸாரின் கடுமையான தாக்குதல் காரணமாகவே அவர் உயிரிழந்துள்ளதாக உயிரிழந்தவரின் உறவினர்கள் குற்றம் சுமத்துகின்றனர்..என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

நாட்டில் இன்று முதல் யாழ். நெடுந்தூரப் பேருந்து நிலையத்திலிருந்து பேருந்து சேவைகள்

யாழ் வீரசிங்கம் மண்டபத்துக்கு அருகில் உள்ள நெடுந்தூரப் பேருந்து நிலையத்திலிருந்து வெளி மாவட்டங்கள் மற்றும் வெளி மாகாணங்களுக்கான நெடுந்தூரப் பேருந்து சேவைகள்27-10-2027- இன்று 

செவ்வாய்க்கிழமை முதல் இணைந்த நேர அட்டவணையின் கீழ் ஆரம்பமாகும் என வடக்கு மாகாண வீதிப் பயணிகள் போக்குவரத்

து அதிகார சபையின் தலைவர் பொறியியலாளர் சூ.விமலேஸ்வரன் தெரிவித்தார்.

.பொதுமக்களுக்குப் பாதுகாப்பான மற்றும் ஒழுங்குபடுத்தப்பட்ட போக்குவரத்துச் சேவையை உறுதிப்படுத்தும் வகையில், வடக்கு மாகாண வீதிப் பயணிகள் போக்குவரத்து அதிகார சபையின் பொறுப்பின் 

கீழ் இணைந்த நேர அட்டவணைக்கு அமைய பேருந்துச் சேவைகள் முன்னெடுக்கப்பட வேண்டும் என நீதிமன்றம் பணித்துள்ளது. அதற்கமையவே இம்முறை சேவைகளை ஆரம்பிப்பதற்கான நடவடிக்கைகள் மேற்கொள்ளப்படுவதாக அவர் குறிப்பிட்டார்.

சுமார் 134 மில்லியன் ரூபா செலவில் அமைக்கப்பட்டு, நீண்டகாலமாக பயன்பாட்டில் இல்லாமல் இருந்த இந்த நெடுந்தூரப் பேருந்து

 நிலையத்தைச் செயற்படுத்துவதற்குக் கடந்த காலங்களிலும் பல முயற்சிகள் மேற்கொள்ளப்பட்டபோதிலும் அவை வெற்றியளிக்கவில்லை.

பேருந்து நிலையத்தைச் செயல்படுத்துவது தொடர்பில் வட இலங்கை தனியார் பேருந்து சங்கத்தால் வீதிப் பயணிகள் போக்குவரத்து

 அதிகார சபைக்கு எதிராக வழக்குத் தொடரப்பட்டிருந்தது. தற்போது நீதிமன்றத்தி

ன் பணிப்புக்கு அமைவாக, இணைந்த நேர அட்டவணையின்

 கீழ் பேருந்துச் சேவைகளை ஆரம்பிப்பதற்கான நடவடிக்கைகள் முன்னெடுக்கப்படுகின்றன.

எனவே, செவ்வாய்க்கிழமை முதல் வெளி மாவட்டங்கள் மற்றும் வெளி மாகாணங்களுக்குச் செல்லும் நெடுந்தூரப் பேருந்துகள் யாழ்ப்பாணம் வீரசிங்கம் மண்டபத்துக்கு அருகிலுள்ள நெடுந்தூரப் பேருந்து நிலையத்திலிருந்து சேவையில் ஈடுபடும் என வடக்கு மாகாண வீதிப் பயணிகள் போக்குவரத்து அதிகார சபையின் தலைவர் பொறியியலாளர் சூ.விமலேஸ்வரன் மேலும் தெரிவித்தார். என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

கட்டுநாயக்க விமான நிலையத்தில் முன்னாள் விடுதலைப் புலி உறுப்பினர் கைது

இலங்கைக்கு இந்தியாவிலிருந்து நாடு கடத்தப்பட்ட முன்னாள் விடுதலைப் புலி உறுப்பினர் ஒருவர், கட்டுநாயக்க பண்டாரநாயக்க சர்வதேச விமான நிலையத்தில் வைத்து  கைது செய்யப்பட்டுள்ளார்.

பயங்கரவாத விசாரணைப் பிரிவினரின் தகவலின்படி, 50 வயதான இந்த சந்தேகநபர் நேற்று (அக்டோபர் 26) இரவு இலங்கையை வந்தடைந்த சில நிமிடங்களிலேயே கைது செய்யப்பட்டுள்ளார்.

இவர், கடந்த 2015ஆம் ஆண்டு விடுதலைப் புலிகள் அமைப்பை மீண்டும் கட்டியெழுப்ப முயன்றதாகக் கூறப்படும் குற்றச்சாட்டின் பேரில் இந்திய பாதுகாப்புப் படையினரால் கைது 

செய்யப்பட்டிருந்தார்.

இந்திய நீதிமன்றத்தில் அவருக்கு 10 ஆண்டுகள் சிறை தண்டனை விதிக்கப்பட்ட நிலையில், அண்மையில் தண்டனைக் காலம் நிறைவடைந்தது. இதனைத் தொடர்ந்து, இந்திய அதிகாரிகளால் அவர் இலங்கைக்கும் நாடு கடத்தப்பட்டார்.. என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

நாட்டில் கன மழை காரணமாக மன்னாரில் 50 குடும்பங்கள் தற்காலிக முகாமில்

நாட்டில் சீரற்ற வானிலை காரணமாக மன்னார் மாவட்டத்தில் இதுவரை 50 குடும்பங்களைச் சேர்ந்த 122 நபர்கள் பாதிக்கப்பட்ட நிலையில் இடம் பெயர்ந்து தற்காலிக முகாமில் தங்க வைக்கப்பட்டுள்ளதாக மன்னார் மாவட்ட அனர்த்த முகாமைத்துவ பிரிவின் பிரதிப் பணிப்பாளர் நடராஜா சூரிய ராஜா தெரிவித்துள்ளார்.

மாந்தை மேற்கு பிரதேச செயலாளர் பிரிவில் உள்ள கூறாய் கிராமத்தைச் சேர்ந்த 29 குடும்பங்களும்,சீது விநாயகர் குளம் கிராமத்தை சேர்ந்த 21 குடும்பங்கள் உள்ளடங்களாக 50 குடும்பங்களைச் சேர்ந்த 122 நபர்கள் இவ்வாறு பாதிக்கப்பட்டுள்ள நிலையில் அவர்கள் இலுப்பைக்கடவை பாடசாலை யில் தங்க வைக்கப்பட்டுள்ளதாக அவர் தெரிவித்தார்.

குறித்த இரு கிராமங்களுக்குமான பாதைகளில் வெள்ள நீர் சூழ்ந்து கொண்டுள்ளதோடு,குறித்த இரு கிராமங்களிலும் பாரிய வெள்ளம் ஏற்பட்டுள்ளதாகவும் பிரதேச மக்கள

 தெரிவித்துள்ளனர்.

மேலும் சாந்திபுரம் கிராமத்தில் நேற்று நள்ளிரவு ஏற்பட்ட இடி மின்னல் தாக்கத்தினால் 4 வீடுகள் சேதமடைந்துள்ளது டன் 4 குடும்பங்களைச் சேர்ந்த 18 பேர் பாதிக்கப்பட்டுள்ளதாகவும் அவர் தெரிவித்தார்.

பாதிக்கப்பட்ட மற்றும் இடம்பெயர்ந்த மக்களுக்கு 

அவசர உதவிகளை மேற்கொள்ள துரித நடவடிக்கைகள் மேற்கொள்ளப்பட்டு வருவதாகவும் மன்னார் மாவட்ட அனர்த்த முகாமைத்துவ பிரிவின் மாவட்ட உதவி பணிப்பாளர் நடராஜா சூரிய ராஜா தெரிவித்தார். என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

நாட்டில் மரக்கறி விலைகள் அதிகரிப்பு முட்டை, கோழி இறைச்சி கொள்வனவு வீழ்ச்சி

தற்போது நாட்டில் நிலவும் மழையுடனான வானிலை காரணமாக மரக்கறிகளின் விலைகள் அதிகரித்துள்ளதுடன், கோழி இறைச்சி மற்றும் முட்டை கொள்வனவும் 20 வீதத்தால் வீழ்ச்சியடைந்துள்ளதாகத் தெரிவிக்கப்பட்டுள்ளது.

இதற்கமைய, கடந்த வாரம் 350 முதல் 400 ரூபா வரை விற்பனை செய்யப்பட்ட ஒரு கிலோகிராம் தக்காளியின் விலை தற்போது 600 முதல் 650 ரூபா வரை அதிகரித்துள்ளது.

அதேபோன்று, 250 ரூபாவாகக் காணப்பட்ட ஒரு கிலோகிராம் குடை மிளகாயின் விலை 400 முதல் 450 ரூபா வரை அதிகரித்துள்ளதுடன், 150 ரூபாவாக இருந்த ஒரு கிலோகிராம் கோவாவின் விலை 350 ரூபா 

வரை உயர்ந்துள்ளது.

கொழும்பு மெனிங் பொதுச் சந்தையில் இந்த விலை அதிகரிப்பு பதிவாகியுள்ளதாகத் தெரிவிக்கப்பட்டுள்ளது.

இதேவேளை, கோழி இறைச்சி மற்றும் முட்டை கொள்வனவு 20 வீதத்தால் வீழ்ச்சியடைந்துள்ளதாக அகில இலங்கை கோழி இறைச்சி வர்த்தகர்கள் சங்கத்தின் தலைவர் அஜித் குணசேகர

 தெரிவித்துள்ளார்.

ஒரு முட்டையின் உற்பத்திச் செலவு 30 முதல் 32 ரூபா வரை காணப்படுவதாகவும் அவர் சுட்டிக்காட்டியுள்ளார். 

எனினும், பண்ணைகளிலிருந்து சந்தைக்கு முட்டைகள் குறித்த விலைகளின் அடிப்படையில் விநியோகிக்கப்படுவதால், உற்பத்தியாளர்களால் போதிய இலாபத்தை ஈட்ட முடியாத நிலை காணப்படுவதாகவும் தெரிவிக்கப்பட்டுள்ளது. என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

நாட்டில் நாளை பாடசாலைகளுக்கு விடுமுறை: சாதாரண தர பரீட்சார்த்திகளுக்கு முக்கியஅறிவிப்பு

தற்போது நாட்டில் நிலவும் சீரற்ற வானிலை காரணமாக நாளை (27) நாடளாவிய ரீதியில் உள்ள அனைத்து பாடசாலைகளுக்கும் விடுமுறை அறிவிக்கப்பட்டுள்ள போதிலும், 2026ஆம் ஆண்டுக்கான கல்விப் பொதுத் தராதர சாதாரண தரப் பரீட்சையின் அழகியல் பாடங்களுக்கான 

செய்முறைப் பரீட்சைகள் ஏற்கனவே திட்டமிடப்பட்டவாறு நடைபெறும் எனப் பரீட்சைகள் திணைக்களம் அறிவித்துள்ளது.இதன்படி, உரிய பரீட்சை நிலையங்களில் செய்முறைப் பரீட்சைகள் எவ்வித மாற்றமுமின்றி நடைபெறும் என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

நாட்டில் எரிவாயுத் தட்டுப்பாட்டைத் தவிர்க்க நடவடிக்கை நாளை சிலிண்டர்கள் விநியோகம்

நாட்டில் சந்தையில் நிலவும் அதிக கேள்வி மற்றும் நுகர்வோரின் தேவைகளைக் கருத்திற்கொண்டு, நாளைய தினம் (27) ஏழு இலட்சம் லிட்ரோ எரிவாயு சிலிண்டர்களைச் சந்தைக்கு விநியோகிக்க 

நடவடிக்கை எடுக்கப்பட்டுள்ளதாக லிட்ரோ நிறுவனம் தெரிவித்துள்ளது.

எரிவாயு விநியோகத்தை அதிகரிக்கும் நோக்கில், எரிவாயுவை ஏற்றிவந்த கப்பல்கள் நாட்டை வந்தடைந்துள்ளதாகவும் நிறுவனம்

 குறிப்பிட்டுள்ளது.

இதற்கமைய, கடந்த ஒக்டோபர் 22ஆம் திகதி நாட்டை அண்மித்த கப்பலிலும், ஒக்டோபர் 24ஆம் திகதி நாட்டை வந்தடைந்த மற்றுமொரு கப்பலிலும் மொத்தமாக 3,900 மெட்ரிக் தொன் எரிவாயு நாட்டை 

வந்தடைந்துள்ளது.

இதனைத் தொடர்ந்து, சந்தைக்கான எரிவாயு விநியோகத்தைத் துரிதப்படுத்த நடவடிக்கை எடுக்கப்பட்டுள்ளது.

இதன் மூலம், வீட்டுப் பாவனைக்கான எரிவாயு சிலிண்டர்களைத் தட்டுப்பாடின்றி நுகர்வோர் பெற்றுக்கொள்ள முடியும் என லிட்ரோ நிறுவனம் மேலும் தெரிவித்துள்ளது.  என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

நாட்டில் பஸ் ஒன்று ரயிலுடன் மோதிய விபத்தில் பத்துப் பேர் காயம்

இலங்கை ஹபராதுவை பொலிஸ் பிரிவுக்குட்பட்ட கொக்கல பகுதியில் உள்ள ரயில்வே கடவையில் பஸ் ஒன்று ரயிலுடன் மோதி இன்று பிற்பகல் இடம்பெற்ற விபத்தில் காயமடைந்த சிறுவர்களின் எண்ணிக்கை 10 ஆக உயர்ந்துள்ளது.

 .பாதிக்கப்பட்ட சிறுவர்கள் சிகிச்சைக்காக கராப்பிட்டிய மற்றும் உனவட்டுன வைத்தியசாலைகளில் அனுமதிக்கப்பட்டுள்ளதாக பொலிஸார் தெரிவித்துள்ளனர்.

பெலியத்தையில் இருந்து மருதானை நோக்கிப் பயணித்த ரயிலில் குறித்த பஸ்ஸின் பின்பகுதி மோதியதில் இந்த விபத்து 

சம்பவித்துள்ளது.

மேலதிக வகுப்பு ஆசிரியர்கள் மற்றும் பெற்றோருடன் இந்த சிறுவர்கள் கொட்டாவ பகுதியிலிருந்து கொக்கலையில் அமைந்துள்ள மார்ட்டின் விக்கிரமசிங்க நினைவு அருங்காட்சியகத்தைப் பார்வையிடச் சென்று திரும்பிக்கொண்டிருந்த போதே இந்த 

விபத்து நேர்ந்துள்ளது.

விபத்து இடம்பெற்ற சந்தர்ப்பத்தில் மேலதிக வகுப்பு ஆசிரியர்கள் 14 பேர், பெற்றோர்கள் 6 பேர் மற்றும் சிறுவர்கள் 41 பேர் வரை பஸ்ஸில் இருந்ததாக இதுவரை மேற்கொள்ளப்பட்ட விசாரணைகளில் 

தெரியவந்துள்ளது.

பஸ்ஸில் இருந்த சிறுவர்கள் 14 மற்றும் 15 வயதுடையவர்கள் என தகவல்கள் தெரிவிக்கின்றன.

விபத்து நடந்த பரயில்வே கடவையில் பாதுகாப்பு கடவை இல்லாததுடன், மின்சார விளக்கு சமிக்ஞை மற்றும் ஒலிச் சமிக்ஞை மூலமாக மட்டுமே இயங்கும் ஒரு இடம் என குறிப்பிடப்பட்டுள்ளது.

மேலும், இந்த விபத்து தொடர்பில் 40 வயதுடைய பஸ் சாரதியும் 21 வயதுடைய நடத்துனரும் கைது செய்யப்பட்டுள்ளனர்.

ஹபராதுவை பொலிஸார் மேலதிக விசாரணைகளை மேற்கொண்டு வருகின்றனர்.என்பதும்  குறிப்பிடத்தக்கது.

https://navatkirinew1.blogspot.com/2024/12/blog-post_7.html

கனடா தமிழர்களின் கோரிக்கையை ஆதரிக்கவேண்டும்

யாழ்  செம்மணி மனிதப்புதைகுழி விவகாரத்தைப் பொறுத்தமட்டில், சுயாதீன நெறிமுறைகளுடன்கூடிய சர்வதேச கண்காணிப்பு 

வேண்டும் என்ற தமிழர்களின் கோரிக்கையை கனடா ஆதரிக்கவேண்டும். பெருமளவில் மனிதப்புதைகுழிகள் கண்டறியப்பட்ட இடங்களில் பணியாற்றிய சொந்த அனுபவத்தைப் பயன்படுத்தி,

 இதற்கான சர்வதேசக் கூட்டமைப்பொன்றை கனடாவினால் உருவாக்கமுடியும் என கலாநிதி மரியோ அருள்தாஸ் 

சுட்டிக்காட்டியுள்ளார்.

கனேடிய பாராளுமன்ற வளாகத்தில் செம்மணி மனிதப்புதைகுழி தொடர்பில் பொறுப்புக்கூறலை வலியுறுத்தி கடந்த வாரம் நடைபெற்ற நிகழ்வில் கலந்துகொண்டு சிறப்புரை ஆற்றியபோதே அவர் 

மேற்கண்டவாறு சுட்டிக்காட்டினார். அங்கு அவர் மேலும் பகிர்ந்துகொண்ட விடயங்கள் வருமாறு:

செம்மணி நிலப்பரப்பு எமக்கு எந்தவகையில் முக்கியமானது என்பதைப் புரிந்துகொள்வதற்கு நாம் 30 ஆண்டுகள் பின்நோக்கிச் சென்று, அப்படுகொலைகளுடன் தொடர்புடையவர்களின் கதைகளை

 அறியவேண்டும்.

1995 ஆம் ஆண்டின் பிற்பகுதியில் இலங்கை இராணுவம் யாழ்ப்பாணத்தை அதன் கட்டுப்பாட்டுக்குள் கொண்டுவந்தது. அங்கு அவர்கள் முகாம்கள், சோதனைச்சாவடிகள் மற்றும் படைத்தளங்கள் உள்ளிட்ட ஒரு நெருக்கமான வலைப்பின்னலை உருவாக்கினர். இதனூடாக யாழ்ப்பாணத்தை உலகிலேயே அதிகளவில் 

இராணுவமயமாக்கப்பட்ட பகுதிகளில் ஒன்றாக மாற்றினர். இவை விடுதலைப்புலிகளின் நடவடிக்கைகளைக் கட்டுப்படுத்தும் நோக்கம் கொண்டவை என்று கூறப்பட்டாலும், உண்மையில் அங்கு நடைபெற்ற நிகழ்வுகள் தமிழர்களின் மனங்களில் ஆறாத வடுக்களை ஏற்படுத்தியுள்ளன என்பதை எவராலும் மறைக்க முடியாது.

இவ்வாறானதொரு பின்னணியில் செம்மணி நிலம் என்பது இனப்படுகொலையின் ஒரு குறியீடாகவும், அரச வன்முறையின் இன்னமும் தீர்வு காணப்படாத களமாகவும் திகழ்கிறது. இலங்கையில் இன்னமும் தொடரும் 

தண்டனையற்ற போக்குக்கு இதுவொரு சான்றாகும். மனிதப்புதைகுழிகள் என்பன போரின் தற்செயலான 

எச்சங்கள் அல்ல. மாறாக அவை அரசின் திட்டமிட்ட நோக்கத்தின் வெளிப்பாடுகளாகும். மனித உயிர்களை அழித்து, உண்மையை மண்ணுக்கு அடியில் புதைப்பதற்கான பௌதிக ரீதியான ஒரு முயற்சியையே இவை குறிக்கின்றன.

1996இல் கிருஷாந்தி குமாரசுவாமியும் அவரது குடும்பத்தினரும் கொல்லப்பட்ட அதே ஆண்டில், யாழ்ப்பாணத்தில் நூற்றுக்கணக்கானோர் காணாமல்போயினர். அந்த ஆண்டில் மாத்திரம் யாழ்ப்பாணத்தில் காணாமல்

 போனவர்களின் எண்ணிக்கை 700 க்கும் அதிகம் என்று கருதப்படுகிறது. ஒப்பீட்டளவில் சிறிய பரப்பளவு கொண்ட ஒரு பகுதியில் இத்தனை உயர் எண்ணிக்கையிலான மக்கள் காணாமல்போனமை மிகுந்த அதிர்ச்சியளிக்கும்

 நிகழ்வாகும்.

இவ்வாறானதொரு பின்னணியில் செம்மணியில் அண்மையகாலங்களில் மேற்கொள்ளப்பட்ட அகழ்வாய்வுகளில் பல நூற்றுக்கணக்கான எலும்புக்கூடுகள் அகழ்ந்தெடுக்கப்பட்டுள்ளன.

 எதிர்வரும் மாதங்களிலும் அகழ்வாய்வு நடவடிக்கைகள் தொடரவுள்ளன. ஆனால் இந்த மனித எலும்புக்கூடுகள் தொடர்பான

 அடுத்தகட்ட நடவடிக்கைகளைக் கையாள்வதற்கு அவசியமான நிபுணத்துவமோ அல்லது 

அரசியல் தன்முனைப்போ இலங்கை அரசிடம் இல்லை. வலிந்து காணாமலாக்கப்பட்டோருக்கு என்ன நேர்ந்தது என்பதைக் கண்டறிவதற்கும், மூன்று தசாப்தங்களுக்கும் மேலாக தமது அன்புக்குரிய

வர்களுக்கு என்ன 

நேர்ந்தது என்ற உண்மையை அறிவதற்காகக் காத்திருக்கும் உறவுகளுக்கு உரிய பதில்களைக் கூறுவதற்கும் இப்போது கண்டறியப்பட்டுள்ள எலும்புக்கூடுகளை அடிப்படையாகக்கொண்டு மரபணு பரிசோதனை மேற்கொள்ளப்படவேண்டும். அத்தோடு இதற்குப் பொறுப்பானவர்கள் தண்டிக்கப்படவேண்டும்.

இருப்பினும் இலங்கை அரசின் நீண்டகால வரலாற்றில் தொடர்ந்து நிலவும் இந்தத் தண்டனையற்ற சூழலை முடிவுக்குக் கொண்டு

வருவதற்கு அரசு நடவடிக்கை எடுக்கும் என்பதற்கான எந்தவொரு அறிகுறியும் இல்லை. இலங்கை அரச இயந்திரமானது அதன் எல்லைக்குள் ஒடுக்கப்பட்ட ஒரு இனத்துக்கு எதிராக இராணுவத்தினர் இழைத்த குற்றங்களை விசாரணைக்கும் திறனுடையதாகக் கட்டமைக்கப்படவில்லை.

வலிந்து காணாமலாக்கப்படல்களுக்கு வழிகோலிய சட்டக் கட்டமைப்புக்கள் இன்றும் நீடிக்கும் நிலையில், செம்மணியை கடந்த காலத்தின் ஒரு எச்சம் என்று மாத்திரம் கூறிவிடமுடியாது. சுமார் நான்கு

 தசாப்தங்களுக்கும் மேலாக பயங்கரவாதத்தடைச்சட்டம் எனும் மிகமோசமான சட்டமானது தன்னிச்சையான கைதுகள், விசாரணையற்ற நீண்டகாலத் தடுப்புக்காவல், திட்டமிட்ட சித்திரவதைகள், வலிந்து 

காணாமலாக்கப்படல்கள், சட்டவிரோத படுகொலைகள் என்பவற்றுக்கு ஓர் சட்டபூர்வ அடித்தளத்தை வழங்கியது. சர்வதேச அழுத்தம் காரணமாக இச்சட்டத்தை நீக்குவதாக இலங்கை அரசாங்கம் உறுதியளித்த போதிலும், தற்போது அதனைப் பதிலீடு செய்து புதிய சட்டத்தைக் கொண்டுவருவதற்கான முயற்சிகளில் 

ஈடுபட்டுள்ளது. அதற்கமையப் புதிதாக முன்மொழியப்பட்டுள்ள பயங்கரவாதத்திலிருந்து அரசைப் பாதுகாக்கும்

 சட்டமூலமானது பயங்கரவாதத்தடைச்சட்டத்தை விடவும் மிகமோசமானது என சட்ட வல்லுனர்கள் கரிசனை வெளியிட்டுள்ளனர். எனவே செம்மணியில் மனிதப்புதைகுழிகளை உருவாக்கிய அரச இயந்திரம் இன்றும் அவ்வாறே நீடிக்கிறது.

இவ்வாறு இலங்கையில் தொடர் ஒடுக்குமுறையும், தண்டனையற்ற போக்கும் நிலவுவதனால் தான், இவ்விவகாரத்தில் கனடா உள்ளிட்ட சர்வதேச சமூகத்தின் பங்களிப்பு மிகுந்த முக்கியத்துவம் பெறுகிறது. தமிழர்களுக்கான நீதியைப் பொறுத்தமட்டில், மிகமுக்கிய தருணங்களில் கனடா உண்மையானதும் 

துணிச்சலானதுமான தலைமைத்துவத்தை வெளிப்படுத்தியிருக்கிறது. இலங்கையின் நீதி மற்றும் பொறுப்புக்கூறல் விவகாரத்தில் கனடா இதுவரை வெளிப்படுத்திய தலைமைத்துவத்தைத் தொடர்ந்து முன்கொண்டு செல்லவேண்டும்.

செம்மணி மனிதப்புதைகுழி விவகாரத்தைப் பொறுத்தமட்டில், சுயாதீன நெறிமுறைகளுடன்கூடிய சர்வதேச கண்காணிப்பு வேண்டும் என்ற தமிழர்களின் கோரிக்கையை கனடா 

ஆதரிக்கவேண்டும்

. பெருமளவில் மனிதப்புதைகுழிகள் கண்டறியப்பட்ட இடங்களில் பணியாற்றிய சொந்த அனுபவத்தைப் பயன்படுத்தி, இதற்கான சர்வதேசக் கூட்டமைப்பொன்றை கனடாவினால் உருவாக்கமுடியும் எனச் சுட்டிக்காட்டினார்.என்பதும்  குறிப்பிடத்தக்கது.

https://navatkirinew1.blogspot.com/2024/12/blog-post_7.html

பாரிய சூறாவளி வங்காள விரிகுடாவில் உருவாகும் சாத்தியம்

சூறாவளி எதிர்வரும் 27 ஆம் திகதி காலையளவில் வங்காள விரிகுடாவின் மேற்கு-மத்திய கடற்பகுதியில் பலத்த சூறாவளி நிலைமை ஏற்படுவதற்கான சாத்தியக்கூறுகள் காணப்படுவதாக வளிமண்டலவியல் திணைக்களம் தெரிவித்துள்ளது.

அடுத்த 24 மணித்தியாலங்களுக்காக தீவைச் சூழவுள்ள கடற்பகுதிகளுக்கான வானிலை முன்னறிவிப்பை வெளியிட்டுள்ள 

வளிமண்டலவியல் திணைக்களம் இதனைத் தெரிவித்துள்ளது.வளிமண்டலவியல் திணைக்களம் வெளியிட்டுள்ள அறிக்கையில் குறிப்பிடப்பட்டுள்ளதாவது:

வங்காள விரிகுடா கடற்பகுதியில் நிலைகொண்டுள்ள

 குறைந்த அழுத்தத் தாழ்வு பிரதேசம் இன்று (25) காலை 8.30 மணியளவில் வட அகலரேகை 15.3° மற்றும் கிழக்கு தீர்க்கரேகை 91.2° க்கு அருகில் மையம் 

கொண்டிருந்தது.

இத்தொகுதி இன்று வங்காள விரிகுடாவின் கிழக்கு - மத்திய மற்றும் அதனை ஒட்டிய தென்கிழக்கு பகுதி ஊடாக நகர்ந்து, தாழமுக்கமாக (Deep Depression) வலுவடைவதற்குக் மிக அதிக சாத்தியக்கூறுகள் உள்ளன.

இத்தொகுதி தொடர்ந்து தெற்கு நோக்கி நகர்ந்து, படிப்படியாக 

திசைமாறி, மேற்கு நோக்கிச் சாய்வாக வடமேற்கு

 திசையில் நகர்ந்து, நாளை (26) காலையளவில் சூறாவளியாகவும் (Cyclone), நாளை மறுதினம் (27) காலையளவில் வங்காள விரிகுடாவின் மேற்கு-மத்திய கடற்பகுதியில் பலத்த 

புயலாகவும் மேலும் தீவிரமடைவதற்கு அதிக சாத்தியக்கூறுகள் உள்ளன.

வட அகலரேகை 10° - 20° மற்றும் கிழக்கு தீர்க்கரேகை 80° - 95° ஆகிய எல்லைகளுக்குட்பட்ட கடற்பகுதிகளில் மறு அறிவித்தல் வரை மீன்பிடி மற்றும் கடற்படை நடவடிக்கைகளில் ஈடுபடுவதைத் தவிர்க்குமாறு அறிவுறுத்தப்பட்டுள்ளது.

குறித்த கடற்பகுதிகளில் மீன்பிடி மற்றும் கடல்சார் நடவடிக்கைகளில் ஈடுபட்டுள்ள சமூகத்தினர் உடனடியாக பாதுகாப்பான பகுதிகளை நோக்கி நகருமாறு கேட்டுக்கொள்ளப்பட்டுள்ளனர்.

இது தொடர்பாக வளிமண்டலவியல் திணைக்களத்தால் வெளியிடப்படும் எதிர்வரும் முன்னறிவிப்புகள் மற்றும் அறிக்கைகள் குறித்து அவதானத்துடன் இருக்குமாறு மீனவர்கள் மற்றும் கடல்சார் சமூகத்தினரிடம் 

கோரப்பட்டுள்ளது.

இதனால் நாட்டைச் சூழவுள்ள கடற்பகுதிகளில் ஆங்காங்கே மழை அல்லது இடியுடன் கூடிய மழை பெய்யக்கூடும்.

காற்று தென்மேற்கு திசையிலிருந்து மணித்தியாலத்துக்கு 30-40 கி.மீ வேகத்தில் வீசக்கூடும். திருகோணமலையிலிருந்து காங்கேசன்துறை, புத்தளம், கொழும்பு, காலி மற்றும் ஹம்பாந்தோட்டை ஊடாக பொத்துவில் வரையான கடற்பகுதிகளில் காற்றின் வேகம் அவ்வப்போது மணித்தியாலத்துக்கு 50-60 கி.மீ வரை அதிகரிக்கக்கூடும்.

திருகோணமலையிலிருந்து காங்கேசன்துறை, புத்தளம், கொழும்பு, காலி மற்றும் ஹம்பாந்தோட்டை ஊடாக பொத்துவில் வரையான கடற்பகுதிகள் அவ்வப்போது கொந்தளிப்பாகக் காணப்படும். நாட்டைச் சூழவுள்ள ஏனைய கடற்பகுதிகள் அவ்வப்போது ஓரளவு கொந்தளிப்பாகக் 

காணப்படும்.

புத்தளத்திலிருந்து கொழும்பு, காலி மற்றும் மாத்தறை ஊடாக பொத்துவில் வரையான கடற்பகுதிகளில் கடல் அலைகள் சுமார் 2.0 - 2.5 மீட்டர் வரை உயரக்கூடிய சாத்தியம் உள்ளது.

இடிமழையின் போது: இடியுடன் கூடிய மழை பெய்யும் வேளைகளில் குறித்த கடற்பகுதிகளில் தற்காலிகமாக பலத்த காற்று வீசக்கூடுவதுடன், அக்காலப்பகுதியில் கடற்பகுதிகள் தற்காலிகமாக மிகவும் கொந்தளிப்பாகக் காணப்படும் என்றும் தெரிவிக்கப்பட்டுள்ளது. .என்பதும்  குறிப்பிடத்தக்கது.

https://navatkirinew1.blogspot.com/2024/12/blog-post_7.html

மும்பை அருகே நீல நிறத்தில் ஒளிரும் கடல்: ஒரு அரிய காட்சி

தற்போது மும்பை அருகிலுள்ள கடல் ஒன்று இரவு நேரத்தில் நீல நிறத்தில் ஒளிர்கிறது. மஹாராஷ்ட்ரா மாநிலத்திலுள்ள மும்பையின் அருகே அமைந்துள்ள கடல் ஒன்றின் நீர், இரவு நேரத்தில்

 நீல நிறத்தில் ஒளிரும் காட்சிகள் வைரலாகிவருகின்றன. மும்பை அருகிலுள்ள அர்னாலா என்னுமிடத்தில் அமைந்துள்ள கடல் நீர், இரவு நேரத்தில் நீல நிற மின்மினிப்பூச்சிகள் நீந்துவதைபோல் ஒளிர்வதைக் கண்டு அப்பகுதி மக்கள் வியப்பில் ஆழ்ந்துள்ளார்கள்.

உயிரி ஒளிர்தல் அல்லது bioluminescence என்னும் நிகழ்வு இதற்குக் காரணமாக இருக்கலாம் என கருதப்படுகிறது.

அதாவது, கடல்வாழ் உயிரினங்களுக்கு இயற்கையாகவே ஒளியை உமிழும் திறன் உண்டு. Plankton எனப்படும் ஒருவகை நுண்ணுயிரிகள், தங்களுக்கு அருகிலுள்ள நீர் அசையும்போது இப்படி நீல நிற ஒளியை

 உமிழ்வதுண்டு.

என்றாலும், அர்னாலா கடலில் காணப்படும் இந்த நிகழ்வுக்கு Planktonதான் காரணம் என்பது உறுதிசெய்யப்படவில்லை என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

இன்று .இத்தாலியில் பல நகரங்களில் ஆயிரக்கணக்கான மக்கள் போராட்டம்

இன்று சனிக்கிழமை இத்தாலியின் பல நகரங்களில் போராட்டக்காரர்களுக்கும் காவல்துறைக்கும் இடையே மோதல்கள் வெடித்தன. ஆர்ப்பாட்டங்கள் வன்முறையாக மாறியதால், அதிகாரிகள் நீர்த்தாரை பீரங்கிகளையும் கண்ணீர்ப் புகைக் குண்டுகளையும் பயன்படுத்தினர். ரோம், மிலன், டுரின், போலோக்னா மற்றும் புளோரன்ஸ் ஆகிய நகரங்களின் வீதிகளில் ஆயிரக்கணக்கானோர் திரண்டனர்; போராட்டக்காரர்கள் பாட்டில்கள், கற்கள் மற்றும்

 பட்டாசுகளை வீசினர்.

ரோம்: இத்தாலியத் தலைநகர் வழியாகப் போராட்டக்காரர்கள் பேரணியாகச் சென்றபோது, ​​சனிக்கிழமை மாலை மோதல்கள் வெடித்தன. லார்கோ டி சாண்டா சுசானா அருகே, போராட்டக்காரர்கள் காவல்துறை பாதுகாப்பு வளையத்தை எதிர்கொண்டு, பாட்டில்களை வீசியும் பட்டாசுகளை வெடித்தும் தாக்குதல் நடத்தினர். பல தெரு அடையாளப் பலகைகளும் கீழே தள்ளப்பட்டன. காவல்துறை நீர்த்தாரை பீரங்கிகளைப் பயன்படுத்தி

 பதிலடி கொடுத்தது.

மிலன்: மாணவர்கள், ஆர்வலர் குழுக்கள் மற்றும் பாலஸ்தீன ஆதரவுப் போராட்டக்காரர்கள் பங்கேற்ற இரண்டு தனித்தனி ஆர்ப்பாட்டங்கள் ஒன்றிணைந்து, மிலன் பல்தொழில்நுட்பப் பல்கலைக்கழகம் அமைந்துள்ள பியாஸ்ஸா லியோனார்டோ டா வின்சியை நோக்கிச் சென்ற ஒரே பெரிய ஊர்வலமாக மாறியது.

முன்னதாக, சதுக்கத்திலிருந்து நகர மையத்தை நோக்கிப் புறப்பட்ட ஒரு பேரணியை காவல்துறை தடுத்து நிறுத்தி, ஆர்ப்பாட்டக்காரர்களை கோர்சோ வெனிசியா நோக்கிப் பின்வாங்கும்படி கட்டாயப்படுத்தியது. அதனைத் தொடர்ந்து, சில பங்கேற்பாளர்கள் பிக்கோலோ தியேட்டரில் தொடங்கிய இரண்டாவது ஊர்வலத்தில் இணைந்தனர்.

பியாஸ்ஸா லியோனார்டோ டா வின்சியில் நிறைவடையும் என எதிர்பார்க்கப்பட்ட இந்த ஒருங்கிணைந்த பேரணியில், சுமார் 10,000 பேர் பங்கேற்றதாகக் கூறப்படுகிறது.

டுரின்: போராட்டக்காரர்கள் காவல்துறையினருடன் மோதியதால் பதற்றம் அதிகரித்தது, இதைத் தொடர்ந்து அதிகாரிகள் கண்ணீர்ப் புகைக் குண்டுகளை வீசினர். அரோரா பகுதி வழியாகப் பேரணி சென்ற

 போராட்டக்காரர்கள், மோஸ்கா பாலத்தை

 அடைந்தனர். அங்கு, நகர மையத்தை நோக்கிய அவர்களின் பாதையை காவல்துறை தடுத்தது.

சில போராட்டக்காரர்கள் அதிகாரிகள் மீது கற்கள், பாட்டில்கள் மற்றும் புகைக் குண்டுகளை வீசினர், அதற்கு பதிலடியாக அதிகாரிகள் கண்ணீர்ப் புகைக் குண்டுகளை வீசினர். பின்னர், அந்த ஊர்வலம் வியா சிக்னா சாலையில் மீண்டும் தொடர்ந்தது.

போலோக்னா: போராட்டக்காரர்களுக்கும் காவல்துறைக்கும் இடையே ஏற்பட்ட மோதல்களைத் தொடர்ந்து, வியா மார்கோனிக்கு அவசர சேவைகள் வரவழைக்கப்பட்டன. சம்பவ இடத்தில் காயமடைந்த இளம் போராட்டக்காரர் ஒருவருக்கு மருத்துவ உதவியாளர்கள்

 சிகிச்சை அளித்தனர்.

புளோரன்ஸ்: நகரம் வழியாக நடந்த பேரணியின் போது பதற்றம் அதிகரித்ததால், போராட்டக்காரர்கள் காவல்துறையினர் மீது பட்டாசுகளையும் கண்ணாடி பாட்டில்களையும் வீசினர். சாண்டா டிரினிட்டா

 பாலத்திற்கு அருகில், வியா டோர்னாபுவோனி சந்திப்பில், சில ஆர்ப்பாட்டக்காரர்கள் கலவரத் தடுப்புக் காவல்துறையினரின் பாதுகாப்பு வளையத்தை மீறிச் செல்ல முயன்றனர்.

கடந்த வார இறுதியில் போராட்டக்காரர்களுக்கும் காவல்துறைக்கும் இடையே நடந்த மோதல்களைத் தொடர்ந்து, மேலும் வன்முறை வெடிக்கும் என்ற அச்சத்தை ஏற்படுத்தியுள்ள புதிய போராட்ட அலை காரணமாக, இத்தாலிய அதிகாரிகள் சனிக்கிழமையன்று நூற்றுக்கணக்கான கூடுதல் வீரர்களைப் பணியில் அமர்த்தி, முக்கிய நகரங்கள் முழுவதும் பாதுகாப்பை அதிகரித்துள்ளனர்.

மிலன், ரோம், துரின், நேபிள்ஸ் மற்றும் பல நகரங்களில் போராட்டங்கள் திட்டமிடப்பட்டுள்ளன. அதிகரித்து வரும் வாழ்க்கைச் செலவு, குறைந்த ஊதியம், இராணுவச் செலவினங்கள் மற்றும் அரசாங்கக் கொள்கைகள் ஆகியவற்றிற்கு எதிராகப் போராட்டக்காரர்கள் தங்கள் கோபத்தை வெளிப்படுத்துவார்கள்.

அக்டோபர் 17 மற்றும் 18 ஆகிய தேதிகளில் நடந்த வன்முறைக் கலவரங்களைத் தொடர்ந்து மிலன் நகரம் குறிப்பாக உயர் எச்சரிக்கை நிலையில் உள்ளது. அச்சமயங்களில், காவல்துறையுடனான மோதல்கள், நாசவேலைகள் மற்றும் கொள்ளைச் சம்பவங்கள் நகர மையத்தில் பரவலான சேதத்தை

 ஏற்படுத்தின.

பிரதமர் ஜார்ஜியா மெலோனியின் அரசாங்கம், மிலனில் ஏற்கனவே நிலைநிறுத்தப்பட்டுள்ள பாதுகாப்புப் படைகளை வலுப்படுத்தும் வகையில், கூடுதலாக 500 வீரர்களை அங்கு அனுப்ப 

உத்தரவிட்டுள்ளது.

மேலும் குழப்பங்கள் ஏற்படுவதைத் தடுப்பதற்காக, அதிகாரிகள் ட்ரோன் கண்காணிப்பு, ரயில் நிலைய சோதனைகள் மற்றும் விரைவு நடவடிக்கைப் பிரிவுகளையும் அறிமுகப்படுத்தியுள்ளனர்.

என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

நாட்டில் மாத்தறையில் அதிகமான போதைப்பொருட்களுடன் படகு மீட்பு

நாட்டில்  மாத்தறை,கடற்கரைப் பகுதிகளில் இன்றைய தினம் சனிக்கிழமை மேற்கொள்ளப்பட்ட விசேட தேடுதல் நடவடிக்கையின்போது, 475 கிலோகிராமுக்கு மேற்பட்ட ஐஸ் மற்றும் ஹெரோயின் போதைப்பொருட்கள் மீட்கப்பட்டுள்ளதாக இலங்கை கடற்படை 

தெரிவித்துள்ளது.

இலங்கை கடலோரக் காவல் திணைக்களத்துக்குக் கிடைத்த நம்பகமான தகவலின் அடிப்படையில், இந்தக் கூட்டு நடவடிக்கை முன்னெடுக்கப்பட்டுள்ளது.

இதன்போது, கடற்கரையில் போதைப்பொருட்கள் இருக்கலாம் எனச் சந்தேகிக்கப்படும் 10 மூட்டைகள் மற்றும் 11 பயணப் பொதிகளுடன் படகொன்றும் கைப்பற்றப்பட்டுள்ளன.

பொலிஸ் போதைப்பொருள் ஒழிப்புப் பணியகத்தின் நிபுணத்துவ உதவியுடன் மேற்கொள்ளப்பட்ட மேலதிக சோதனைகளில், 200 கிலோகிராமுக்கு மேற்பட்ட ஐஸ் போதைப்பொருளும், 275 கிலோகிராமுக்கு 

மேற்பட்ட ஹெரோயின் போதைப்பொருளும் இருப்பது உறுதிப்படுத்தப்பட்டுள்ளது.

மீட்கப்பட்ட போதைப்பொருட்கள் மற்றும் படகு ஆகியவை மேலதிக சட்ட நடவடிக்கைகளுக்காக பொலிஸ் போதைப்பொருள் ஒழிப்புப் பணியகத்திடம் ஒப்படைக்கப்பட்டுள்ளன.

இந்தச் சம்பவம் தொடர்பான மேலதிக விசாரணைகள் முன்னெடுக்கப்பட்டு வருகின்றன.என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

இன்று இலங்கையில் வர்த்தக வங்கிகளில் நாணய மாற்று பெறுமதி

இலங்கையில் இன்று  வர்த்தக வங்கிகளில் அமெரிக்க டாலருக்கு நிகரான இலங்கை ரூபாவின் பணப் பெறுமதி. அதன்படி, இன்றைய நாணய மாற்று விகிதங்களின்படி,

அமெரிக்க டாலர் 335.89 ரூபா

ஜப்பானிய யென் 2.15 ரூபா

பிரித்தானிய பவுன்ஸ் 450.75 ரூபா

யூரோ 377.94 ரூபா

ஆஸ்திரேலிய டாலர் 238.19 ரூபா

சுவிஸ் பிராங் 408.79 ரூபா

கனடிய டாலர் 239.97 ரூபா

கத்தார் ரியால் 92.86 ரூபா

குவைத் தினார் 1086.00 ரூபா

சவுதி ரியால் 90.87 ரூபா

.என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

நாட்டில் துணுக்காய் ஆலங்குளம் :இராணுவம் பாரிய ஒத்திகை

நாட்டில் யுத்தம் முடிவுக்கு வந்து 17வருடங்கள் கடந்துள்ள நிலையில் முல்லைத்தீவு மாவட்டத்தில் துணுக்காய் ஆலங்குளம் பகுதியில் இலங்கை இராணுவம் பாரிய ஒத்திகை நடவடிக்கைகளை

 ஆரம்பித்துள்ளது.

நேற்றைய தினமான வியாழக்கிழமை முதல் 26ம் திகதி திங்கட்கிழமை  வரை யானைளை தடுக்கும் மின்சாரவேலிகளை பயிற்சி நடவடிக்கைகாக தடைசெய்யப்பட்டுள்ளதாக இராணுவத்தினர்

 அறிவித்துள்ளார்கள்

விசேட அறிவித்தல் மூலம் அந்த பிரதேசத்தில் இராணுவத்தின் பயிற்சி நடைபெறுவதாக குறிப்பிட்டு அறிவிப்பு இராணுவ முகாமிற்கு அருகில் ஒட்டப்பட்டுள்ளது.

இதனிடையே முல்லைத்தீவு மாவட்டத்தின் துணுக்காய் ஆலங்குளம் பகுதியில் இரவு நேரங்களில் காட்டு யானைகளின் நடமாட்டம் அதிகரித்து வரும் நிலையிலேயே பயிற்சி நடவடிக்கையென தெரிவித்து, அப்பகுதியில் மின்சார வேலி அமைத்துப் பயன்படுத்துவதற்கு இராணுவத்தினர் 

தடை விதித்துள்ளனர்.

காட்டுயானைகளின் தொல்லையால் பொதுமக்கள் தமது உயிர்களையும் உடைமைகளையும் பாதுகாப்பதில் பல்வேறு சிரமங்களை எதிர்கொண்டு வருகின்றனர். குறிப்பாக, இரவு நேரங்களில் யானைகள் குடியிருப்புப் பகுதிகளுக்குள் நுழைவதால் மக்கள் மத்தியில் சூஅச்சநிலை

 அதிகரித்துள்ளது.

கடந்த 20ம் திகதி யானை தாக்குதலில் 73 அகவையுடை வயோதிபரான செல்லத்துரை கணபதிப்பிள்ளை என்பவர் உயிரிழந்துள்ளார் அவரின் இறுதி நிகழ்வு நேற்;று (22) நடைபெற்றுள்ளது .

ஆலங்குளம் கொக்காவில் வீதியில் மாலை 5.00 மணிக்கு பின்னர் மக்களின் வீதியில் செல்லமுடியாத நிலை காணப்படுகின்றது யானைகள் ஊர்மனைகளுக்குள் வந்துவிடுகின்றன.

அதனைவிட குறித்த உயிரிழந்தவரின் காணிக்குள்  இரண்டாவது முறையாகவும் இரவு யானை புகுந்துள்ளது.

இவ்வாறான சூழலில், யானைகளின் நடமாட்டத்தைக் கட்டுப்படுத்துவதற்கும் குடியிருப்புப் பகுதிகளைப் பாதுகாப்பதற்கும் மின்சார வேலி முக்கியமான பாதுகாப்பு நடவடிக்கையாகக் கருதப்படும் நிலையில், அதனைப் பயன்படுத்துவதற்குத் தடை விதிக்கப்பட்டுள்ளதாகக் இராணுவம் அறிவித்துள்ளது.என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

யாழ் மண்டைதீவு சுற்றுலா தளத்தில் இரவு நேர களியாட்ட நிகழ்வுகளுக்கு தடை

யாழ் மண்டைதீவு பகுதியில் உள்ள சுற்றுலா தளத்தில் இரவு நேர களியாட்ட நிகழ்வுகளை நடாத்துவதற்கு அனுமதி வழங்குவதில்லை

 என வேலணை பிரதேச சபையில் தீர்மானம் எடுக்கப்பட்டுள்ளது 

பிரதேச சபை அமர்வு நேற்றைய தினம் வியாழக்கிழமை சபை மண்டபத்தில் தவிசாளர் சிவலிங்கம் அசோக்குமார் தலைமையில் 

நடைபெற்றது.

அதன் போது, மண்டைதீவு சுற்றுலா தளத்தில் தீபாவளி தினைத்தினை முன்னிட்டு , இரவு நேர களியாட்ட நிகழ்வுகளுக்கு ஏற்பாடு நடைபெற்று வருவதாக சமூக ஊடகங்களில் பகிரப்படும் காணொளி தொடர்பில் பிரஸ்தாபிக்கப்பட்டது. 

அதன் போது, தவிசாளர் , குறித்த நிகழ்வுக்கான அனுமதிக்காக இதுவரையில் சபையில் எவரும் விண்ணப்பிக்கவில்லை

 என தெரிவித்தார்

அதனை தொடர்ந்து இரவு நேர களியாட்ட நிகழ்வுக்கு அனுமதி வழங்கக்கூடாது என உறுப்பினர்கள் சபையில் கோரியதை  அடுத்து, நிகழ்வுக்கு அனுமதி வழங்குவதில்லை என சபையில் தீர்மானிக்கப்பட்டுள்ளது 

என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html

நாட்டில் இன்று முதல் மின்வெட்டு தேவைப்பாடுகள் இல்லையாம்

நாட்டில் 22-10-2026- இன்று  முதல் மின் துண்டிப்பை அமுல்படுத்துவதற்கான தேவைப்பாடுகள் இல்லை என நசனல் சிஸ்டம் ஒப்பரேட்டர்ஸ் அறிவித்துள்ள

லக்விஜய மின் உற்பத்தி நிலையத்தின் 2 ஆம் அலகு

 இன்று அதன் முழு கொள்ளளவான 270 மெகாவோட்டிற்கு மீட்டெடுக்கப்பட்டுள்ளது.

இதனால் மின் தேவையை முகாமைத்துவம் செய்வதற்காக அமுல்படுத்தப்பட்டு வந்த மின் துண்டிப்பு நடவடிக்கையை தொடராதிருப்பதற்கு தீர்மானிக்கப்பட்டுள்ளதாக அந்த நிறுவனம் குறிப்பிட்டுள்ளது.

என்பதும்  குறிப்பிடத்தக்கது

https://www.facebook.com/pulambenthatamilmakka

. 

மருத்துவர்கள் அறிவிப்பு போப் லியோ XIV-க்கு புற்றுநோய் சிகிச்சை தேவையில்லை

தற்போது நுரையீரல் புற்றுநோயால் பாதிக்கப்பட்டிருந்த போப் லியோ XIV-க்கு இனிமேல் புற்றுநோய் சிகிச்சை தேவையில்லை என அவரது மருத்துவர்கள் புதன்கிழமை அறிவித்துள்ளனர். 

மேற்கொள்ளப்பட்ட இறுதிப் பரிசோதனைகளில், கட்டி ஒரு குறிப்பிட்ட பகுதியில் மட்டுமே இருந்தமை உறுதிப்படுத்தப்பட்டுள்ளதாக வத்திக்கான் தெரிவித்துள்ளது.

71 வயதான போப் லியோ, கடந்த அக்டோபர் 13ஆம் திகதி ரோமில் உள்ள ஜெமெல்லி மருத்துவமனையில் தனது வலது நுரையீரலின் கீழ் மடலில் இருந்த கட்டியை அகற்றுவதற்கான அறுவை சிகிச்சையை

 மேற்கொண்டார்.

அறுவை சிகிச்சையின்போது அகற்றப்பட்ட திசுக்களில் மேற்கொள்ளப்பட்ட இறுதி திசுநோயியல் மற்றும் மூலக்கூறு பரிசோதனைகளின் முடிவுகள் புதன்கிழமை வெளியிடப்பட்டன. 

இந்தப் பரிசோதனைகள், அவருக்கு நுரையீரல் அடினோகார்சினோமா எனப்படும் புற்றுநோய் இருந்ததையும், நோய் குறிப்பிட்ட பகுதியில் மட்டுமே காணப்பட்டதையும் உறுதிப்படுத்தியதாக மருத்துவர்கள் 

தெரிவித்துள்ளனர்.

தொடர்ந்து மேற்கொள்ளப்பட்ட புற்றுநோயியல் மதிப்பீட்டின் அடிப்படையில், மேலதிக புற்றுநோய் சிகிச்சை எதுவும் தேவையில்லை என மருத்துவர்கள் முடிவு செய்துள்ளனர்.

போப் லியோவின் உடல்நிலை காரணமாக அவரது எதிர்கால வெளிநாட்டுப் பயணங்கள் பாதிக்கப்படுமா என்ற கேள்வியும் எழுந்திருந்தது. எனினும், அவரது தென் அமெரிக்கப் பயணத்தை இரத்து செய்வதற்கு மருத்துவ ரீதியாக எந்தக் காரணமும் இல்லை என அவரது அறுவை சிகிச்சை நிபுணர்

 தெரிவித்துள்ளார்.

நவம்பர் 6ஆம் திகதி முதல் 17ஆம் திகதி வரை திட்டமிடப்பட்டுள்ள இப்பயணத்தில், உருகுவே, அர்ஜென்டினா மற்றும் பெரு ஆகிய நாடுகளுக்கு அவர் செல்லவுள்ளார். இந்தப் பயணத்தின்போது 12 விமானப் பயணங்கள், இரண்டு ஹெலிகாப்டர் பயணங்கள் மற்றும் அதிக உயரமுள்ள பகுதிகளில் தங்குதல் ஆகியவை இடம்பெறவுள்ளன.

போப் லியோ தனது உடல்நிலை குறித்த தகவல்களைப் பகிரங்கமாக அறிவித்ததைத் தொடர்ந்து, அவர் படிப்படியாகத் தனது வழக்கமான பணிகளுக்குத் திரும்புவதாகத் தெரிவித்துள்ளார்.

 கடந்த சனிக்கிழமை அவர் மருத்துவமனையிலிருந்து வீடு திரும்பினார்.

கடந்த அக்டோபர் 11ஆம் திகதி நடைபெற்ற பாரம்பரிய

 ஞாயிறு ஆசீர்வாத நிகழ்வின்போது, தனது உடலில் உள்ள கட்டி அறுவை சிகிச்சை மூலம் அகற்றப்படவுள்ளதாக அவர் முதன்முறையாகப் பொதுமக்களிடம் தெரிவித்திருந்தார்.

போப்பாண்டவர்களின் உடல்நிலை தொடர்பான தகவல்களைப் பொதுவெளியில் வெளியிடுவதில் நீண்டகாலமாகக் கடைப்பிடிக்கப்பட்டு வந்த இரகசியத்தன்மையிலிருந்து இந்த அறிவிப்பு மாறுபட்டதாகக் கருதப்படுகிறது. அவரது உடல்நிலை மற்றும் சிகிச்சை குறித்த வெளிப்படைத்தன்மை கத்தோலிக்க திருச்சபையினர் மத்தியில் கவனத்தை ஈர்த்துள்ளது. 

.என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html