நாட்டில் பிரதேச செயலகங்களில் கடமையாற்றும் உத்தியோகத்தர்களுக்கு விசேட அறிவித்தல்

நாட்டில் பிரதேச செயலகங்களில் கடமையாற்றும் உத்தியோகத்தர்களுக்கு விசேட மாதாந்த ஊக்கத்தொகை வழங்க அரசாங்கம் 

தீர்மானித்துள்ளது.  

மார்ச் முதல் டிசம்பர் வரையிலான 10 மாத காலத்திற்கு இந்த ஊக்கத்தொகை வழங்கப்படும் என்று தெரிவிக்கப்பட்டுள்ளது. 

இம்மாதம் 11ஆம் திகதி நடைபெற்ற அமைச்சரவைக் கூட்டத்தில் இதற்கான அனுமதி பெறப்பட்டு, இது தொடர்பான சுற்றறிக்கை

 பொதுநிர்வாக, உள்நாட்டலுவல்கள், மாகாண சபைகள் 

மற்றும் உள்ளூராட்சி அமைச்சின் செயலாளரினால் 

வெளியிடப்பட்டுள்ளது. 

இதன்படி பிரதேச செயலாளர் ஒருவருக்கு 15,000 ரூபா கொடுப்பனவு வழங்கப்படும். இது தவிர, உதவி மண்டல செயலாளர், உதவி இயக்குனர் மற்றும் கணக்காளர் பதவிகளுக்கு தலா ரூ.10,000 மாதாந்திர

 உதவித்தொகை வழங்கப்படும்.  

இந்த வருடத்தில் பரவலாக்கப்பட்ட வரவு செலவுத் திட்டத்தை நடைமுறைப்படுத்துவதற்கு தற்போது ஒதுக்கப்பட்டுள்ள ஒதுக்கீட்டின் நிர்வாகச் செலவுகளில் இருந்து இந்த கொடுப்பனவுகளை செலுத்துவதற்கு தேவையான ஏற்பாடுகள் செய்யப்பட வேண்டும் என பொது நிர்வாக அமைச்சு தெரிவித்துள்ளது. 

அரசாங்கத்தின் அபிவிருத்திப் பொறிமுறையின் பிராந்திய கேந்திர நிலையங்களான பிராந்திய செயலகங்களை வலுவூட்டும் நோக்கில் விசேட மாதாந்த ஊக்குவிப்புத் தொகை வழங்கப்படுகிறது.

என்பதும் குறிப்பிடத்தக்கது

இங்குஅழுத்தவும் பெல்லேன்பேர்க் மாதா இணையம்.>>>

போர் விமானங்களை இஸ்ரேலுக்கு அனுப்ப அமெரிக்கா அங்கீகாரம்

பல பில்லியன் டொலர்கள் மதிப்புள்ள குண்டுகள் மற்றும் போர் விமானங்களை இஸ்ரேலுக்கு மாற்றுவதற்கு அமெரிக்கா அங்கீகாரம் 

அளித்துள்ளது,

ரஃபாவில் எதிர்பார்க்கப்படும் இஸ்ரேலிய இராணுவத் தாக்குதலைப் பற்றி அமெரிக்கா கவலை வெளியிட்டுள்ளது. எனினும் குண்டுகள் மற்றும் போர் விமானங்களை இஸ்ரேலுக்கு வழங்குவதற்கு அமேரிக்கா 

அங்கீகாரம் அளித்துள்ளதாக சர்வதேச ஊடங்கள்

 சுட்டிக்காட்டியுள்ளன.

புதிய ஆயுதப் பொதிகளில் 1,800 MK-84 2,000lb வெடிகுண்டுகள் மற்றும் 500 MK-82 500lb வெடிகுண்டுகள் உள்ளன என்று வாஷிங்டன் போஸ்ட்டில் ஒரு அறிக்கையை உறுதிப்படுத்திய வட்டாரங்கள் 

தெரிவித்துள்ளது,

 இஸ்ரேல் தனது தொடர்ச்சியான குண்டுவீச்சு பிரச்சாரம் மற்றும் காசாவில் தரைவழித் தாக்குதல் தொடர்பாக கடுமையான சர்வதேச 

விமர்சனங்களை எதிர்கொண்டுள்ள நிலையில், ஜோ பிடனின் கட்சியின் சில 

உறுப்பினர்கள் அமெரிக்க இராணுவ உதவியை 

நிறுத்துமாறு அழைப்பு விடுத்துள்ள நிலையில் இந்த தொகுப்பு வந்துள்ளது . ஆயுத பரிமாற்றம் குறித்து கருத்து தெரிவிக்க வெள்ளை மாளிகை மறுத்துவிட்டது.என்பது குறிப்பிடத்தக்கது 

இங்குஅழுத்தவும் பெல்லேன்பேர்க் மாதா இணையம்.>>>

நாட்டில் அனுராதபுரம் சிறைச்சாலையில் இருந்து இரு கைதிகள் தப்பியோட்டம்

நாட்டில் அனுராதபுரம் திறந்தவெளி சிறைச்சாலையில் இருந்த இரு கைதிகள் தப்பிச் சென்றுள்ளனர். 

திறந்தவெளி சிறைச்சாலையின் சிற்றுண்டிச்சாலையில் பணியாற்றிய இரண்டு கைதிகள் இன்று (29.03) பிற்பகல் தப்பிச் சென்றுள்ளதாக சிறைச்சாலை ஊடகப் பேச்சாளர் காமினி திஸாநாயக்க தெரிவித்தார்.  

அவர்களில் ஒருவர் அனுராதபுரம் ஷ்ரவஸ்திபுர பிரதேசத்தை வசிப்பிடமாகவும், மற்றைய கைதி களனி பிரதேசத்தை வசிப்பிடமாகவும் கொண்டுள்ளார்.  

கைது செய்யப்பட்ட ஒருவருக்கு 02 மாத சிறைத்தண்டனையும் மற்றைய நபருக்கு 6 மாத சிறைத்தண்டனையும் விதிக்கப்பட்டுள்ளதாக தெரிவிக்கப்படுகின்றது.  

தப்பியோடிய கைதிகளை கைது செய்யும் நடவடிக்கையை சிறை அதிகாரிகள் மற்றும் பொலிஸார் ஆரம்பித்துள்ளனர்.என்பது குறிப்பிடத்தக்கது  

இங்குஅழுத்தவும் பெல்லேன்பேர்க் மாதா இணையம்.>>>

சீனா இலங்கையில் எரிபொருள் சுத்திகரிப்பு நிலையத்தின் நிர்மாண பணிகளை ஆரம்பிக்க விரும்பம்

இந்த நாட்டில் நிர்மாணிக்கப்படவுள்ள எரிபொருள் சுத்திகரிப்பு நிலையத்தின் நிர்மாணப் பணிகளை உடனடியாக ஆரம்பிக்க சீனாவின் சினோபெக் நிறுவனம் விருப்பம் தெரிவித்துள்ளது.  

இது தொடர்பில் சினோபெக் நிறுவனத்தின் பிரதிநிதிகள் குழுவொன்று தமக்கு அறிவித்ததாக மின்சாரம் மற்றும் எரிசக்தி அமைச்சர்  காஞ்சன விஜேசேகர விடுத்துள்ள செய்தியில் தெரிவித்துள்ளார்.  

குறித்த கலந்துரையாடல்   27-03-2024.அன்று கொழும்பில் 

இடம்பெற்றது. 

புதிய சுத்திகரிப்பு நிலையம் ஹம்பாந்தோட்டையில் நிறுவப்படவுள்ளதுடன், அது தொடர்பான ஒப்பந்தத்தில் விரைவில் கைச்சாத்திடுவதற்கு சினோபெக் நிறுவனம் இணக்கம் தெரிவித்துள்ளது.  

திட்டத்திற்கான முதலீட்டை அதிகரிக்கவும், 

சுத்திகரிப்பு 

நிலையத்தின் திறனை அதிகரிக்கவும் ஒப்புக் கொள்ளப்பட்டு, ஜூன் மாதம் திட்டம் தொடங்க திட்டமிடப்பட்டுள்ளது. கடந்த நவம்பரில் அமைச்சரவை இந்த திட்டத்திற்கு ஒப்புதல் அளித்திருந்தமை என்பது குறிப்பிடத்தக்கது 

இங்குஅழுத்தவும் பெல்லேன்பேர்க் மாதா இணையம்.>>>

இலங்கை, சீனா ஐந்து கொள்கைகளின் கீழ் தொடர்ந்து செயற்பட இணக்கம்

சீன ஜனாதிபதி ஷி ஜின்பிங்கிற்கும் இலங்கை பிரதமர் தினேஷ் குணவர்தனவிற்கும் இடையிலான சந்திப்பு. 27-03-2024.அன்று   பீஜிங்கில் உள்ள கிரேட் ஹாலில் நடைபெற்றது.

 நட்பு, அமைதி, பரஸ்பர மரியாதை மற்றும் சர்வதேச விவகாரங்களில் ஒரு நாட்டின் உள்விவகாரங்களில் தலையிடாமை ஆகிய ஐந்து கொள்கைகளின் கீழ் தொடர்ந்து செயல்பட இரு நாடுகளும்

 ஒப்புக்கொண்டன. 

இருதரப்பு உறவுகள் பரஸ்பர மரியாதை மற்றும் பரஸ்பர வினைத்திறன் ஆகியவற்றின் அடிப்படையில் இருக்க வேண்டும் என்பதை வலியுறுத்தி, அந்தக் கொள்கையின்படி செயல்படுவது இரு நாடுகளுக்கும் சிறந்த முன்மாதிரியாக இருக்கும் என்று வலியுறுத்தப்பட்டது. 

இலங்கைக்கு தேவையான திட்டங்களை முன்வைத்தால், சீனாவின் ஆதரவு விரைவில் வழங்கப்படும் என்றும் சீன ஜனாதிபதி உறுதியளித்தார். அரசியல் மற்றும் சமூக பொருளாதார முன்னேற்றத்திற்கான இலங்கையின் முயற்சிகளுக்கு சீனாவின் தொடர்ச்சியான ஆதரவை சீன ஜனாதிபதி உறுதியளித்தார். 

இலங்கையின் சுதந்திரம், பிரதேச ஒருமைப்பாடு மற்றும் இறையாண்மை ஆகியவற்றின் பாதுகாப்பிற்காக சீனா எப்போதும் நிற்கும் என சீன ஜனாதிபதி இங்கு தெரிவித்தார். 

ஏறக்குறைய ஒரு மணித்தியாலம் நீடித்த இந்த கலந்துரையாடலின் போது பிரதமரின் தந்தையின் தலைமுறை சீனாவுக்கு வழங்கிய 

ஆதரவிற்கு சீன ஜனாதிபதி நன்றி தெரிவித்திருந்தார். இலங்கையில் பிரதமரைப் பிரதிநிதித்துவப்படுத்தும் கட்சியும் ஏனைய 

கட்சிகளும் சீனக் கம்யூனிஸ்ட் கட்சியுடன் மேலும் 

ஒத்துழைக்கும் என நம்புவதாகவும் சீன ஜனாதிபதி 

குறிப்பிட்டுள்ளார். 

முன்னெப்போதும் இல்லாத பொருளாதார நெருக்கடியின் போது வழங்கப்பட்ட ஆதரவு மற்றும் கடன் மறுசீரமைப்பு வசதிகளை வழங்கியமைக்காக சீன ஜனாதிபதிக்கு பிரதமர் தனது நன்றியைத் 

தெரிவித்தார்.  

ஜனாதிபதி ரணில் விக்கிரமசிங்கவின் சீன விஜயத்தின் போது எடுக்கப்பட்ட தீர்மானங்களை நடைமுறைப்படுத்துவதில் ஏற்பட்டுள்ள முன்னேற்றம் குறித்து பிரதமர் விளக்கமளித்தார். பள்ளிக் கல்வி, 

விவசாயம், சுகாதாரம், தொழில்நுட்பம், கலாச்சாரம் மற்றும் மதம் ஆகிய துறைகளில் சீன அதிபர் ஜி ஜின்பிங்கின் ஆதரவுக்கு பிரதமர் நன்றி தெரிவித்தார் என்று பிரதமரின் ஊடகத் துறை வெளியிட்டுள்ள அறிக்கையில் தெரிவிக்கப்பட்டுள்ளது.என்பது குறிப்பிடத்தக்கது

இங்குஅழுத்தவும் பெல்லேன்பேர்க் மாதா இணையம்.>>>

பிரபஞ்ச அழகி போட்டியில் முதன்முறையாக பங்கேற்கும் சவூதி அரேபியா

ரியாத்- செப்டம்பரில் மெக்சிகோவில் நடைபெறவுள்ள பிரபஞ்ச அழகி போட்டியில் சவுதி அரேபியா சார்பில் கலந்து கொள்வதாக பிரபல சவூதி மாடல் அழகி ரூமி அல்-கஹ்தானி அறிவித்துள்ளார்.

மிஸ் யுனிவர்ஸ் போட்டியில் தான் பங்கேற்பதாக ரூமி சமூக ஊடக பதிவில் அறிவித்தார். மிஸ் யுனிவர்ஸ் 2024ல் பங்கேற்பதில் பெருமிதம் கொள்கிறேன் என்று இன்ஸ்டாகிராமில் தெரிவித்துள்ளார்.

மிஸ் யுனிவர்ஸ் போட்டியில் சவூதி அரேபியா சார்பில் பங்கேற்பது இதுவே முதல் முறையாகும். 

அத்துடன், சவுதி கொடி மற்றும் ‘மிஸ் யுனிவர்ஸ் சவுதி அரேபியா’ என்று எழுதப்பட்ட தலைப்பாகையுடன் 

போஸ் கொடுத்தார்.

ரியாத்தை பூர்வீகமாகக் கொண்ட ரூமி, மிஸ் அரபு அமைதி, மிஸ் பிளானட் மற்றும் மிஸ் மிடில் ஈஸ்ட் உள்ளிட்ட பல்வேறு நிகழ்வுகளில் நாட்டைப் பிரதிநிதித்துவப்படுத்தியுள்ளார்.

 ரீமா அல்கஹ்தானி இன்ஸ்டாகிராமில் ஒரு மில்லியனுக்கும் அதிகமான பின்தொடர்பவர்களைக் கொண்டுள்ளார் என்பது குறிப்பிடத்தக்கது 

இங்குஅழுத்தவும் பெல்லேன்பேர்க் மாதா இணையம்.>>>

இலங்கையில் காலி கராப்பிட்டியவில் தெற்காசியாவின் மிகப் பெரிய மகப்பேறு வைத்தியசாலை

தெற்காசியாவின் மிகப் பெரிய மகப்பேறு வைத்தியசாலையாக காலி கராப்பிட்டியவில் நிர்மாணிக்கப்பட்டுள்ள ஜேர்மன் – 

இலங்கை நட்புறவு புதிய மகளிர் வைத்தியசாலை ஜனாதிபதி ரணில் விக்கிரமசிங்கவினால்.27-03-2024. அன்றயதினம்  திறந்து 

வைக்கப்படவுள்ளது.

 ஆறு மாடிகளைக் கொண்ட இந்த மருத்துவமனையில் அறுநூறு படுக்கைகள், ஆறு அறுவை சிகிச்சை அரங்குகள் உள்ளதாகவும், 

அவசர சிகிச்சைப் பிரிவுகள், தீவிர சிகிச்சைப் பிரிவுகள், ஆய்வகங்கள், சிசு தீவிர சிகிச்சைப் பிரிவுகள், சிறப்பு குழந்தைகள் பிரிவுகள் உள்ளிட்ட அனைத்து நவீன மருத்துவ வசதிகளும் உள்ளதாக மருத்துவமனை பணிப்பாளர் பி. விமலசேன தெரிவித்தார்.

 இதற்காக ஜேர்மன் அரசாங்கம் வழங்கிய கடன் உதவித் தொகை இருபத்தைந்து மில்லியன் யூரோக்கள். (ரூ. 357 கோடி) ஆரம்பத்தில் வைத்தியசாலை நிர்மாணத்திற்காக எண்ணூறு பேர்ச்சஸ் பெறப்பட்டது, 

பின்னர் மேலும் இரண்டு காணிகள் கிடைத்ததால் வைத்தியசாலையின் தற்போதைய அளவு ஆயிரம் பேர்ச்சஸை அண்மித்துள்ளது.

 வைத்தியசாலை திறக்கப்பட்டதன் பின்னர் 

கராப்பிட்டிய புறநகர் அபிவிருத்தியை ஆரம்பிக்க நகர அபிவிருத்தி அதிகார சபை திட்டமிட்டுள்ளது. ஜேர்மனியின் முன்னாள் ஜனாதிபதி ஹெல்முட் கோல் 2004 டிசம்பரில் விடுமுறைக்காக இலங்கை வந்தபோது, ​​

மிகப்பெரிய மகப்பேறு மருத்துவமனையான காலி மஹாமோதர வைத்தியசாலையின் சேதத்தைப் பார்த்து நன்கொடையாக வழங்கிய 300 கோடி ரூபாயில் இந்த வைத்தியசாலையின் கட்டுமானப் பணிகள்

 ஆரம்பிக்கப்பட்டன.

 அதன்படி 2007ஆம் ஆண்டு அப்போதைய பிரதமர் ரட்ணசிறி விக்கிரமநாயக்க இந்த புதிய வைத்தியசாலைக்கு அடிக்கல் நாட்டினார். 

ஆனால் அதனை நிர்மாணிக்கும் பொறுப்பில் ஒப்படைக்கப்பட்ட அரச சார்பற்ற நிறுவனம் அதனை பாதியிலேயே நிறுத்திவிட்டு

 இலங்கையை விட்டு வெளியேறியதால் அப்பகுதி பின்னர் கொசுக்கள் உற்பத்தியாகி பெரும் சுற்றுச்சூழலுக்கு கேடு விளைவிக்கும் 

இடமாக மாறியது.

 ஹெல்முட் கோல் நன்கொடையாக வழங்கிய தொகை குறித்து எந்த தகவலும் இல்லை. இதேவேளை, கடந்த அரசாங்கத்தின் 

தலையீட்டினால் வைத்தியசாலையின் நிர்மாணப் பணிகள் மீள ஆரம்பிக்கப்பட்டதுடன், அதற்காக ஜேர்மனியிடம் இருந்து இருபத்தைந்து மில்லியன் யூரோக்களை பெற்றுக்கொள்வதற்கான ஒப்பந்தங்கள் 2015ஆம் ஆண்டு கைச்சாத்திடப்பட்டன. புதிய மருத்துவமனை 

திறக்கப்பட்ட பிறகு, மஹமோதர மகப்பேறு மருத்துவமனை அந்த இடத்திலிருந்து அகற்றப்படும்.என்பதும் குறிப்பிடத்தக்கது

இங்குஅழுத்தவும் பெல்லேன்பேர்க் மாதா இணையம்.>>>

இலங்கைக்கு பாதிப்பு பெரிய வெங்காயத்தின் ஏற்றுமதி தடையை நீடித்த இந்தியா

பெரிய வெங்காயம் ஏற்றுமதிக்கு இந்தியா விதித்துள்ள தடையை மறு அறிவித்தல் வரை நீடிக்க இந்திய அரசாங்கம் 

தீர்மானித்துள்ளது. 

 விலைவாசி உயர்வைக் கட்டுப்படுத்தவும், உள்நாட்டுச் சந்தையில் அதிக அளவில் வெங்காயம் இருப்பு வைக்கப்படுவதையும் நோக்கமாக கொண்டும்  இந்த முடிவு எடுக்கப்பட்டுள்ளதாக இந்திய அரசு 

தெரிவித்துள்ளது. 

 கடந்த டிசம்பரில், இந்திய அரசு பெரிய வெங்காய ஏற்றுமதிக்கு தடை விதித்தது, இது 31ம் திகதியுடன் முடிவடையும். 

 பெரிய வெங்காய ஏற்றுமதிக்கு தடை விதிக்கப்பட்டுள்ள நிலையில், இந்திய சந்தையில் பெரிய வெங்காயத்தின் விலை வேகமாக வீழ்ச்சியடைந்துள்ளதுடன், எதிர்வரும் தேர்தலை இலக்காகக் கொண்டு விலை உயர்வைக் கட்டுப்படுத்தும் நோக்கில் ஏற்றுமதியை

 மேலும் தடை செய்ய இந்திய அரசாங்கம் நடவடிக்கை எடுத்துள்ளதாக தெரிவிக்கப்படுகிறது. 

இந்த தடையால் இலங்கை அதிகளவு பாதிப்பு ஏற்படும் என எதிர்பார்க்கப்படுகிறது. இலங்கையில் வெங்காயத்தின் விலை பாரியளவு அதிகரித்துள்ளமை என்பது குறிப்பிடத்தக்கது 

இங்குஅழுத்தவும் பெல்லேன்பேர்க் மாதா இணையம்.>>>

யாழ் தையிட்டியில் சிங்களக் குடியேற்றம்:அம்பலப்படுத்திய சுகாஷ் எழுச்சிக்கு அழைப்பு

யாழ் காங்கேசன்துறை தையிட்டி பகுதியில் சிங்களக் குடியேற்றத்திற்கு அரசாங்கம் தயாராகி வருவதாக அறிய முடிகின்றது என தமிழ்த் தேசிய மக்கள் முன்னணியின் பேச்சாளர் கனகரத்தினம் சுகாஷ் 

தெரிவித்துள்ளார்.

 தையிட்டியில் சட்டவிரோதமாக அமைக்கப்பட்டுள்ள விகாரைக்கு அருகாமையிலேயே இந்த சிங்கள குடியேற்றங்கள் குடியேற்றப்படவுள்ளதாக அறிய முடிகின்றது எனவும் அவர் 

தெரிவித்துள்ளார்.

இந்த செயற்பாட்டினை இப்பொழுதே தடுத்து நிறுத்தாவிட்டால் தையிட்டி பறிபோகும் யாழ்ப்பாணம், தமிழர் தாயகம் என அனைத்தும் பறிபோகும் நிலை ஏற்படும் எனவும் அவர் கூறியுள்ளார்.

இதை ஒருபோதும் அனுமதிக்க முடியாது வெடுக்குநாறி மலைக்காக மக்கள் எவ்வாறு திரண்டு பாரிய எழுச்சியை 

ஏற்படுத்தி கைது

 செய்யப்பட்ட அனைவரையும் விளக்கமறியலில் இருந்து வெளியில் கொண்டுவந்தார்களோ அதேபோல் தையிட்டியில்

 அமையப்பெற்றுள்ள சட்டவிரோத விகாரையை அகற்றுவதற்காக 

தமிழ் மக்கள் அணிதிரள வேண்டும் என கோரிக்கை விடுத்துள்ளார்.

 இதேவேளை தையிட்டி விகாரையை அகற்றக் கோரி

23-03-2024. இன்றைய தினம் ஆரம்பிக்கப்பட்டுள்ள போராட்டம்.24-03-2024 நாளை வரை தொடரும் எனவும் அவர் கூறியுள்ளார்.என்பதும் குறிப்பிடத்தக்கது  

இங்குஅழுத்தவும் பெல்லேன்பேர்க் மாதா இணையம்.>>>

ஜப்பான் இலங்கையின் பொருளாதாரத்திற்கு தொடர்ந்தும் ஆதவு வழங்கும்

வீழ்ச்சியடைந்துள்ள இலங்கைப் பொருளாதாரத்தை மீளக் கட்டியெழுப்பும் ஜனாதிபதி ரணில் விக்கிரமசிங்கவின் வேலைத்திட்டத்திற்கு ஜப்பானிய அரசாங்கத்தின் முழுமையான ஆதரவைப் பெற்றுக் கொடுப்பதாக ஜப்பானிய தூதுவர் மிசுகோஷி ஹிடேயாகி (mizukoshi hideaki) 

தெரிவித்தார்.

 நில மானிய முறைமை சமூகத்திலிருந்து புதிய ஆட்சி முறையை நோக்கிய ஜப்பானின் பயணத்திற்கும் இலங்கையின் தற்போதைய பொருளாதார சவால்களுக்கும் இடையிலான ஒற்றுமைகளை 

சுட்டிக்காட்டிய தூதுவர், ஜப்பான் மீள் எழுச்சி காலத்தில் வெளிப்படுத்திய ஈடுகொடுக்கும் இயலுமையை இலங்கை முன்னுதாரணமாக 

எடுத்துக்கொள்ள வேண்டுமெனவும் வலியுறுத்தினார். “

ஜப்பானிடம் இருந்து இலங்கை கற்க வேண்டிய பொருளாதார அபிவிருத்தி மற்றும் நவீனமயமாக்கல் பாடங்கள்” என்ற தலைப்பில் “Geopolitical Cartographer” சர்வதேச ஆராய்ச்சி அமைப்பினால் ஜனாதிபதி ரணில் விக்கிரமசிங்க தலைமையில் வியாழக்கிழமை (21) கொழும்பு கிரான்பெல் ஹோட்டலில் நடைபெற்ற கலந்துரையாடலிலேயே ஜப்பானிய 

தூதுவர் mizukoshi hideaki மிசுகோஷி ஹிடேயாகி இதனைக் 

குறிப்பிட்டார்.

 "ஜப்பானின் நவீனமயமாக்கல் மூலம் இலங்கையின் பொருளாதார மீட்சி மற்றும் நிர்வாகத்திற்கு கற்க வேண்டிய பாடங்கள்" என்ற தலைப்பில் சிறப்புரை ஆற்றிய தூதுவர், ஜப்பானின் வரலாற்றில் கடந்து வந்த 

சவால்களுக்கு ஈடுகொடுத்து, நவீன மாற்றங்களுக்கு ஏற்றவாறு விரைவான வளர்ச்சியை நோக்கி நகர்ந்த அனுபவங்களை இதன்போது 

விவரித்தார். "Geopolitic Cartographer" என்பது இந்து சமுத்திரத்தை மையமாகக் கொண்ட ஒரு சர்வதேச ஆராய்ச்சி அமைப்பாகும். 

ஜனாதிபதி ரணில் விக்கிரமசிங்கவே அதன் நிறுவனர் 

ஆவார். உலக அரசியல் ஒழுங்கை மறுவடிவமைக்கும் இந்து சமுத்திரம், பசுபிக் கடல் மற்றும் அதனுடன் தொடர்புடைய பிராந்தியங்களில்

 புவிசார் அரசியல், புவிசார் பொருளாதார மற்றும் கடல்சார் வளர்ச்சிகள் பற்றிய ஆராய்ச்சி மற்றும் பகுப்பாய்வுகளை ஆய்வு செய்தல், 

மேம்படுத்துவதே "Geopolitical Cartographer" அமைபின் 

நோக்கமாகும். இரண்டாம் உலகப் போருக்குப் பின்னர் ஜப்பான் சர்வதேச அளவில் எதிர்கொள்ள வேண்டியிருந்த சவாலான சூழ்நிலையை தூதுவர் தனது உரையில் நினைவு கூர்ந்தார்.

 உலகமே ஜப்பானுக்கு எதிராக நின்றபோது, மறைந்த முன்னாள் ஜனாதிபதி ஜே. ஆர். ஜயவர்த்தனவின் கூற்று காரணமாக, போருக்குப் பின்னரான காலப்பகுதியில் ஜப்பான் மீண்டும் சர்வதேச சமூகத்துடன் 

இணைவதற்கு வழியமைத்ததையும் தூதுவர் நன்றியுடன் நினைவு 

கூர்ந்தார். இந்த சந்தர்ப்பத்தை ஜப்பான் அந்நாட்டின் முன்னேற்றம்

 மற்றும் மீள் கட்டமைப்புக்காக பயன்படுத்திக் கொண்டதெனவும் கூறினார்.

 அன்று தொடக்கம் இன்று வரையில் ஜப்பானுக்கும் 

இலங்கைக்கும் இடையில் நட்புறவு காணப்படுவதோடு, அந்த நட்புறவை 

இருநாட்டு 

தலைவர்களும் மேலும் வலுவாக முன்னெடுத்துச் செல்வதாகவும் ஜப்பான் தூதுவர் சுட்டிக்காட்டினார். சர்வதேச நாணய நிதியத்துடனான வேலைத்திட்டத்திற்கு அமைய பொருளாதார 

சீர்திருத்தங்களுக்காக அர்பணிப்புடன் செயற்பட்டுவரும் இலங்கை, ஜப்பானை முன்மாதிரியாக கொண்டு நாட்டில் சாதகமான முன்னேற்றத்தை ஏற்படுத்த முடியும் எனவும் அவர் குறிப்பிட்டார்.

 இலங்கையின் பொருளாதார வளர்ச்சிக்கு ஜப்பானை போன்று போட்டித் தன்மை மிக்க தொழில்துறையை கட்டியெழுப்ப வேண்டியதன் முக்கியத்துவத்தை வலியுறுத்திய தூதுவர், போட்டித் தன்மை நிறைந்த ஏற்றுமதி கைத்தொழில்களை உருவாக்குவதற்காக தொழில் கொள்கைகளை தயாரிக்க வேண்டியதன் அவசியத்தையும், அதன் கீழ் நிலையான 

அபிவிருத்தி இலக்குகளை அடைந்துகொள்ள வேண்டியதன் அவசியத்தையும் வலியுறுத்தினார். இலங்கை அரசாங்கம் முன்னெடுத்துவரும் 

ஊழல் தடுப்பு முயற்சிகளுக்கு பாராட்டு தெரிவித்த மிசுகோஷி ஹிடேயாகி, அந்த முயற்சிகளுக்கு ஜப்பான் தொடர்ந்து ஆதரவளிக்கும் என்றும் குறிப்பிட்டார்.

 இலங்கையின் இலஞ்ச ஊழல் விசாரணை ஆணைக்குழுவை வலுப்படுத்த ஐக்கிய நாடுகள் அபிவிருத்தித் வேலைத் திட்டத்தின் கீழ் ஜப்பான் உதவிகளை வழங்கும் என்றும், இலங்கையின் அபிவிருத்தி

 நடவடிக்கைகள் உட்பட பல்வேறு முயற்சிகளுக்கு ஜப்பான் சர்வதேச ஒத்துழைப்பு நிறுவனம் (JICA) உள்ளிட்ட நிறுவனங்களின் 

ஊடாக ஆதரவளிக்கத் தயாராக இருப்பதாகவும் அவர் 

குறிப்பிட்டார். மேலும், இலங்கையின் பொருளாதார வளர்ச்சிக்காக ஜப்பானின் 

முதலீடுகளை மேற்கொள்வதற்கான சந்தர்ப்பம் 

உருவாகும் என எதிர்பார்ப்பதாகவும் அவர் குறிப்பிட்டுள்ளார்.

 இந்த உரையின் பின்னர், ஜப்பான் தூதுவர் மிசுகோஷி ஹிடேயாகி, ஐக்கிய நாடுகள் அபிவிருத்தித் திட்டத்தின் வதிவிடப் பிரதிநிதி அசூசா குபோடா மற்றும் கொழும்பு பல்கலைக்கழகத்தின் உப வேந்தரும், சிரேஷ்ட பேராசிரியருமான எச். டி. திரு.கருணாரத்ன ஆகியோரி பங்குபற்றலுடன் அறிவியல் கலந்துரையாடல் ஒன்று இடம்பெற்றது. இக்கலந்துரையாடலை கலாநிதி கணேசன் விக்னராஜா வழிநடத்தினார்.

 முன்னாள் சபாநாயகர் கரு ஜயசூரிய, பாராளுமன்ற உறுப்பினர்களான வஜிர அபேவர்தன, காவிந்த ஜயவர்தன, மத்திய வங்கி ஆளுநர் கலாநிதி நந்தலால் வீரசிங்க, வெளிவிவகார அமைச்சின் செயலாளர் 

அருணி விஜேவர்தன, இராஜதந்திரிகள், பல்கலைக்கழக பேராசிரியர்கள், ஆராய்ச்சி நிறுவனங்களின் பிரதிநிதிகள் உள்ளிட்ட பலரும் கலந்துகொண்டனர்.

.என்பது குறிப்பிடத்தக்கது 

இங்குஅழுத்தவும் பெல்லேன்பேர்க் மாதா இணையம்.>>>

நூறு கோடி மதிப்பிலான போதைப்பொருள் மும்பையில் மீட்பு

மும்பையில் ரூ.100 கோடி மதிப்பிலான போதைப் பொருள் பறிமுதல் செய்யப்பட்டது. இதில் இரு வெளிநாட்டு பெண்கள் உள்பட 6 பேர் கொண்ட சர்வதேச கடத்தல் கும்பல் சிக்கியது.

தாய்லாந்து மற்றும் இந்தோனேசியா நாடுகளைச் சேர்ந்த இரு பெண்கள் எத்தியோப்பியாவின் அடிஸ் அபாபாவிலிருந்து சமீபத்தில் மும்பைக்கு விமானத்தில்வந்தனர். 

இவர்களை மும்பை வருவாய் புலனாய்வு (DRI) பிரிவு அதிகாரிகள் சோதனை நடத்தினர். இதில் இருவரிடமிருந்தும் ரூ.100 கோடி மதிப்பிலான 9.82 கிலோ கோகோயின் பறிமுதல் செய்யப்பட்டது.

கைது செய்யப்பட்ட இருவரிடமும் அதிகாரிகள் விசாரணை நடத்தியதில் இருவரும், டெல்லி மற்றும் அதன் அருகிலுள்ள பகுதிகளை தளமாகக் கொண்ட போதைப்பொருள் கடத்தல் கும்பலுக்கு இவற்றை கைமாற்ற 

முயன்றது தெரியவந்தது. 

இதைத் தொடர்ந்து, உத்தரப் பிரதேசத்தின் கிரேட்டர் நொய்டாவில் பதுங்கியிருந்த அந்த கும்பலைப் பிடிக்க DRI பிரிவு அதிகாரிகள் முடிவு செய்தனர். அதன்படி அதிகாரிகள் கொண்ட ஒரு குழு அந்த கும்பலின் நடவடிக்கையை கண்காணித்தது. 

மற்றொரு குழு, உள்ளூர் அதிகாரிகள் துணையுடன் அவர்களை நெருங்கியது. அப்போது, போதைப் பொருள் தடுப்புப் பிரிவு அதிகாரிகளை, சமூக விரோத கும்பல் தாக்கியது. இதில் DRI பிரிவு அதிகாரிகள் லேசான 

காயமடைந்தனர்.

எனினும் இந்த நடவடிக்கையில் நைஜீரிய நாட்டை சேர்ந்த போதைப் பொருள் கடத்தல் கும்பலைச் சேர்ந்த முக்கிய தலைவன் மற்றும் அவனது கூட்டாளிகள் என 4 பேரை அதிகாரிகள் பிடித்தனர். 

இவர்களிடம் நடத்தப்பட்ட விசாரணையில் இவர்கள் எத்தியோப்பியா, இலங்கை, நைஜீரியா ஆகிய நாடுகளில் போதைப் பொருள் வினியோகத்தில் ஈடுபட்டது தெரியவந்தது. பிடிபட்ட அனைவரிடமும் தொடர்ந்து விசாரணை நடத்தப்பட்டு வருகிறது. என்பது குறிப்பிடத்தக்கது  

இங்குஅழுத்தவும் பெல்லேன்பேர்க் மாதா இணையம்.>>>

கடல் வளம் வடக்கில் சூறையாடப்படுவதற்கு எதிராக தொடரும் உண்ணாவிரதம்

இந்திய மீனவர்களின் அத்துமீறலால், வடமாகாண மீனவர்களின் வாழ்வாதாரம் பாதிக்கப்படுவதாக தெரிவித்து, தொடர் போராட்டங்களை முன்னெடுத்தபோதிலும், அதற்கு உரிய பதில் கிடைக்காத 

நிலையில் தமிழ் மீனவர்கள் குழுவொன்று உண்ணாவிரதப் போராட்டத்தை ஆரம்பித்துள்ளது.

 யாழ்ப்பாணம் மாவட்ட கிராமிய கடற்றொழில் அமைப்புக்களின் சம்மேளனமும், யாழ்ப்பாணம் மாவட்ட கடற்றொழில் கூட்டுறவு சங்கங்களின் சம்மேளனமும் இணைந்து, யாழ்ப்பாணம் புனித ஜோன் பொஸ்கோ கல்லூரிக்கு முன்பாக இந்த உண்ணாவிரதப் போராட்டத்தை நேற்று (மார்ச் 19) ஆரம்பித்துள்ளனர்.

 இந்திய மீனவர்களை தடுப்பது கடினம் என இலங்கை கடற்படைத் தளபதியும் தெரிவித்துள்ள நிலையில் ஆரம்பிக்கப்பட்ட இந்தப் போராட்டம் இன்றும் (மார்ச் 20) தொடர்கின்றது. பொறுப்புக்கூறும் அதிகாரி வந்து தமது

 பிரச்சினைக்கு தீர்வு காண்பதாக உறுதியளிக்கும் வரை 

உண்ணாவிரதப் போராட்டத்தை கைவிடப் போவதில்லை என இந்த உண்ணாவிரதப் போராட்டத்தில் கலந்து 

கொண்டுள்ள

 யாழ்ப்பாணம் மாவட்ட கிராமிய கடற்றொழில் அமைப்புக்களின் சம்மேளனத்தின, செயலாளர் செபமாலை அன்டன் செபராசா வலியுறுத்தியுள்ளார்.

 “உண்ணாவிரத போராட்டத்தை, நிச்சயமாக இதுல சாகும்வரை இருந்தே ஆகுவோம். எங்களுக்கு சரியான ஒரு தீர்வு வேணும். சரியான முடிவு வரும் வரைக்கும் அது யாராகவும் இருக்கலாம். எங்கட தமிழ் பாராளுமன்ற உறுப்பினர்கள் அனைவரும் இங்க வந்து சந்திக்க 

விரும்பினால் சந்திக்கலாம். ஆனால் அவர்கள் எங்களுக்காக எந்தவொரு இடத்திலும் குரல் கொடுத்ததாக தெரியவில்லை. 

கடற்றொழில் அமைச்சராக இருந்தாலும் சரி. எங்கட ஜனாதிபதியாக இருந்தாலும் சரி அல்லது இந்த நாட்டின் யாரோ பொறுப்பான

 தலைவர் வந்து எங்களுக்கு சரியான உறுதிமொழி வழங்கும்வரையில் இந்த இடத்தில் இருந்து எழும்பமாட்டோம் என்பதை உறுதியாக கூறிக்கொள்கின்றோம்.”

 யாழ்ப்பாணம் மருதடி சந்தியில் இருந்து யாழ்ப்பாணத்தில் அமைந்துள்ள இந்திய துணை உயர்ஸ்தானிகராலயம் வரை ஆர்ப்பாட்ட பேரணியாக வந்த யாழ்ப்பாண மீனவர்கள் அங்கு அமைதியான முறையில் போராட்டத்தில் ஈடுபட்டதோடு பின்னர் உண்ணாவிரதப் போராட்டத்தை 

ஆரம்பித்துள்ளனர்.

 துணை உயர்ஸ்தானிகராலயத்திற்கு அருகில் உண்ணாவிரதத்தை மேற்கொள்ள அனுமதிக்க முடியாது என பொலிஸ் அதிகாரிகள் தெரிவித்ததையடுத்து, இந்திய உயர்ஸ்தானிகராலயத்திற்கு அருகில் அமைந்துள்ள புனித ஜோன் பொஸ்கோ கல்லூரிக்கு முன்பாக உண்ணாவிரதத்தை ஆரம்பிக்க மீனவர்கள் 

நடவடிக்கை 

எடுத்ததாக பிரதேச ஊடகவியலாளர்கள் தெரிவிக்கின்றனர். இந்திய மீனவர்கள் வடக்கு கடலில் மீன்பிடியில் ஈடுபடுவதை தடுக்க உடனடியாக

 நடவடிக்கை எடுக்குமாறு கோரி வடபகுதி மீனவர்கள் தொடர்ச்சியாக போராட்டங்களை முன்னெடுத்த போதிலும் தமது பிரச்சினைக்கு உரிய தீர்வு கிடைக்கவில்லை என தெரிவிக்கின்றனர்.

 இலங்கைக் கடற்பரப்பிற்குள் பிரவேசிக்கும் நூற்றுக்கணக்கான இந்தியக் கப்பல்களை 'அதிகளவான பலத்தை பயன்படுத்தி தடுக்க

 முடியாது.' என கடற்படைத் தளபதி தெரிவித்துள்ளார். 

இந்திய மீனவர்களின் கைது அரசியல் அழுத்தங்களுக்கும் வழிவகுக்கும் என கடற்படைத் தளபதி வைஸ் அட்மிரல் பிரியந்த பெரேரா 

கடந்த மார்ச் 16ஆம் திகதி தி ஐலன்ட் (The Island) பத்திரிகையுடனான செவ்வியில் குறிப்பிட்டிருந்தார். "நூற்றுக்கணக்கான மீன்பிடி கப்பல்களை

 கைப்பற்றுவது நடைமுறையில் சாத்தியமில்லை. மேலும் இந்த கைதுகள் அரசியல் தாக்கங்களுக்கு வழிவகுக்கும். நாம் எல்லாவற்றையும் 

சிந்திக்க வேண்டும். எனக்குறியுள்ளனர் 

இங்குஅழுத்தவும் பெல்லேன்பேர்க் மாதா இணையம்.>>>

நாட்டில் வெடுக்குநாறி மலை விடயத்தில் நீதவான் வழங்கிய தீர்ப்பு

நாட்டில் பிரஜைகளது சுதந்திரத்தை கட்டுப்படுத்துவதற்கு நீதிமன்றம் அனுமதிக்கமுடியாது.இது சட்டத்திற்கோ நீதிக்கோ ஏற்ப்புடையதல்ல என்று வெடுக்குநாறிமலை விடயத்தில் நீதவான் தீர்ப்பளித்ததாக சட்டத்தரணி என்.சிறிகாந்தா தெரிவித்தார்.

 வெடுக்குநாறிமலை வழக்கில் கைதுசெய்யப்பட்ட எட்டுப்பேரும் நீதிமன்றால் இன்று விடுவிக்கப்பட்டுள்ளதுடன், வழக்கும் தள்ளுபடி செய்யப்பட்டது. குறித்த வழக்கில் ஆலயம்சார்பாக முன்னிலையாகிய 

சிரேஸ்ட சட்டத்தரணி என்.சிறிகாந்தா வழக்கின் தீர்ப்பு தொடர்பாக ஊடகங்களுக்கு கருத்து தெரிவித்த போது….

 கடந்த தவணையில் பொலிஸ்தரப்பில் தெரிவிக்கப்பட்ட விடயங்கள் அனைத்தையும் நாம் ஆட்சேபித்தோம், சட்டம் எந்த விதத்திலும் அங்கு மீறப்படவில்லை, என்ற விடயத்தினை வலியுறுத்தினோம். அத்துடன் தொல்பொருட்கள் கட்டளைச்சட்டம் மற்றும் 

அதுதொடர்பில் பொலிஸ் அறிக்கையில் குறிப்பிடப்பட்டுள்ள விபரங்களை உற்றுநோக்கும் போது இந்த விடயத்திற்கு பொருந்தாது என்றும் சுட்டிக்காட்டப்பட்டது. 

 இருப்பினும் குறித்த கட்டளைச்சட்டத்தின் பிரிவு15உப பிரிவு சி யினை சுட்டிக்காட்டிய பொலிஸ் தரப்பு அதன் கீழ் விளக்கமறியலில் வைக்கவேண்டும் என்று கோரியது. அந்த நிலையில் இதன் விசாரணைகள் விரைவாக முடிவுறுத்தப்பட்டு,பொலிஸ்தரப்பால் 

குற்றச்சாட்டுப்பத்திரம் தாக்கல்செய்யப்படுவதற்கு மன்றானது ஒருவாரகால அவகாசத்தை வழங்கி இன்றுவரை(19) கைதுசெய்யப்பட்டவர்கள் விளக்கமறியலில் வைக்கப்பட்டனர். 

 இன்று குறித்த வழக்கு அழைக்கப்பட்டபோது, சட்டமாஅதிபரின் ஆலோசனையினை பெறவேண்டியுள்ளது. அத்துடன் வழக்கின் விசாரணை கோவையினை சட்டமாஅதிபரின் பரிசீலனைக்காக

 அனுப்பவேண்டி இருக்கின்ற காரணத்தினால் குற்றப்பத்திரத்தை தாக்கல்செய்ய முடியவில்லை என்று பொலிசார் நீதிமன்றில் தெரிவித்தனர். குறிப்பாக சந்தேகநபர்கள் அனைவரும் தொடர்ந்து 

விளக்கமறியலில் வைக்கப்படவேண்டும் என்ற விண்ணப்பத்தினை இந்த அடிப்படையில் செய்தனர். எனினும் சந்தேகநபர்கள்

 இந்த நாட்டின் பிரஜைகள் நீதிமன்ற கட்டளையூடாக 

விளக்கமறியல் உத்தரவு பெறப்படும்போது அவர்களுடை சுதந்திரம் கட்டுப்படுத்தப்படுகின்றது. 

 அவ்வாறு கட்டுப்படுத்தப்படும் போது அது சட்டத்திற்கு அமைவாகவே செய்யப்படமுடியும். அத்துடன் பொலிசார் கூறியபடி குற்றப்பத்திர தாக்கலை இன்று செய்யாமல் சட்டமா அதிபரின் அறிவுரைகளை இப்போது

 நாடுவது, இந்த வழக்கின் சட்ட அடிப்படைத் தொடர்பிலே 

அவர்கள் தெளிவான நிலைப்பாட்டில் இல்லை என்பதை 

காட்டுகின்றது. எனவே இருட்டு அறைக்குள்ளே கறுப்பு பூனை

 ஒன்றை தேடுவது போன்ற நிலையினைத்தான் குற்றச்சாட்டினை வடிவமைக்கும் விடயத்திலே பொலிசார் இருக்கின்றார்கள் என்பதை நாம் சுட்டிக்காட்டியிருந்தோம். எங்கள் தரப்பிலே 

செய்யப்பட்ட பல்வேறு சமர்ப்பணங்களுடன், ஏற்கனவே மேல் முறையீட்டு நீதிமன்றிலே விளக்கமறியல் உத்தரவு ஒன்று நீடிப்பது தொடர்பாக வழங்கப்பட்டிருக்கின்ற தீர்ப்பினைசுட்டிக்காட்டி எங்கள் தரப்பின் விண்ணப்பத்தினை பரிசீலித்த நீதவான். 

குற்றப்பத்திரம் தாக்கல்செய்யாமல் சட்டமா அதிபரின் ஆலோசனையினை நாடியிருப்பது தொடர்பில் பல்வேறு கேள்விகளை பொலிசாரிடம் எழுப்பியிருந்தார். குறிப்பாக தண்டனைச்சட்டக்கோவையின் கீழே பல்வேறு பிரிவுகள்,பிணை மறுக்கப்படுகின்ற தொல்லியல் க

ட்டளைச்சட்டத்தின் பல பிரிவுகளை சுட்டிக்காட்டியதுடன், முதல் அறிக்கையிலும் குறிப்பிட்டு கடந்ததவணையிலும் 

குறிப்பிட்ட பொலிஸ் தரப்பினர் இன்றையதினம் புதிதாக இந்த நிலைப்பாட்டினை எடுத்திருப்பது தொடர்பிலே நீதவான் பல்வேறு கேள்விகளை எழுப்பியிருந்தார். 

 இறுதியில் அனைத்து சமர்ப்பணங்களின் முடிவிலே விபரமான தீர்ப்பினை வழங்கியிருக்கின்றார். அதாவது இந்த சந்தேகநபர்களை பிணை மறுக்கப்படுகின்ற தொல்லியல் கட்டளைச்சட்டத்தின் பிரிவு15சியினை பயன்படுத்தி, தொடர்ந்து விளக்கமறியலில் வைப்பதற்கு

 ஏதுவாகவே பொலிசார் இந்த விண்ணப்பத்தினை செய்திருக்கின்றார்கள் என்கிற தன்னுடைய கருத்தினை நீதவான் திட்டவட்டமாக 

வெளிப்படுத்தினார். 

 இவ்விதம் பிரஜைகளது சுதந்திரத்தை கட்டுப்படுத்துவதற்கு நீதிமன்றம் அனுமதிக்கமுடியாது. இது சட்டத்திற்கோ நீதிக்கோ ஏற்ப்புடையதல்ல. குற்றம் சாட்டப்படும் ஒவ்வொருநபரும் குற்றம் நிரூபிக்கப்படும் வரையிலே நிரபராதியாக கொள்ளப்படவேண்டும் என்பதே

 நீதிநெறியின் அடிப்படைகோட்பாடு என்பதையும் சுட்டிக்காட்டினார். 

அத்துடன் நாங்கள் கோரியவாறு இந்த வழக்கின் நடவடிக்கைகளில் இருந்து அனைத்து சந்தேகநபர்களையும் விடுவித்து அல்லது 

விடுதலை செய்து கட்டளை வழங்கினார். என்று 

தெரிவித்தார். குறித்த வழக்கில் ஆலயநிர்வாகம் சார்பாக சிரேஸ்ட சட்டத்தரணிகளான என்.சிறிகாந்தா,அன்ரன் புனிதநாயகம்

,திருஅருள்,க.சுகாஸ், தலைமையில் பல சட்டத்தரணிகள் முன்னிலையாகியிருந்தனர்.என்பது குறிப்பிடத்தக்கது

இங்குஅழுத்தவும் பெல்லேன்பேர்க் மாதா இணையம்.>>>

இலங்கையில் தாய்லாந்தின் சொகுசு கப்பல் வந்தடைந்துள்ளது.

தாய்லாந்தின் ஃபூகெட்டில் இருந்து  எம்பியன்ஸ் என்ற சொகுசு ரக கப்பல்.18-03-2024. இன்று (18.03) காலை கொழும்பு துறைமுகத்தை 

வந்தடைந்துள்ளது.   

 1,131 பயணிகள் மற்றும் 565 பணியாளர்களுடன் குறித்த கப்பல் நாட்டுக்கு வருகைதந்துள்ள குறித்த கப்பலானது இன்று இரவு மாலைத்தீவிற்கு செல்லவுள்ளது. 

அவுஸ்திரேலியா, கனடா, பிரித்தானியா மற்றும் ஜேர்மன் நாட்டு பயணிகள் அந்த கப்பலில் வருகைதந்துள்ளனர்.  

குறித்த கப்பலில் வருகைத்தந்த பயணிகள் கொழும்பு, கண்டி மற்றும் காலி ஆகிய நகரங்களுக்கு செல்லவுள்ளனர்.என்பதும் குறிப்பிடத்தக்கது 

இங்குஅழுத்தவும் பெல்லேன்பேர்க் மாதா இணையம்.>>>

நாட்டில் இரத்தினக்கல் மற்றும் ஆபரண தொழில் தொடர்பில் எழுந்துள்ள பிரச்சினைகளுக்கு தீர்வுக்கு ஜனாதிபதி உறுதி

நாட்டில்இரத்தினக்கல் மற்றும் ஆபரண தொழில் தொடர்பில் எழுந்துள்ள பிரச்சினைகளுக்கு தீர்வை வழங்குவதாகவும், அத்துறையில் ஈடுபடுபவர்களுக்கு நிவாரணம் வழங்குவதாகவும்  

ரணில் விக்கிரமசிங்க கூறுகிறார். 

அத்துறையில் ஈடுபட்டவர்களுடன் ஜனாதிபதி அலுவலகத்தில் இடம்பெற்ற கலந்துரையாடலில் ஜனாதிபதி இதனைக் 

குறிப்பிட்டுள்ளார்.

ஜனாதிபதி ரணில் விக்கிரமசிங்கவிற்கும் இரத்தினக்கல் மற்றும் ஆபரணத் தொழிலில் ஈடுபட்டுள்ளவர்களுக்கும் இடையிலான கலந்துரையாடல் அண்மையில் ஜனாதிபதி அலுவலகத்தில் 

இடம்பெற்றது.  

அரசாங்கத்தின் புதிய வரிக் கொள்கைகளால் அவர்களது தொழில்துறையைப் பாதித்துள்ள பிரச்சனைகள் மற்றும் தொழில்துறையின்

 மற்ற பிரச்சனைகள் குறித்து இங்கு விரிவாக 

விவாதிக்கப்பட்டது. 

இந்நிலையில் இதன்போது கருத்து வெளியிட்டுள்ள அவர், வரிக் கொள்கையில் தற்போதைக்கு எந்த மாற்றமும் செய்ய முடியாது, ஆனால் ரத்தினக்கல் மற்றும் ஆபரணத் துறையை வலுப்படுத்த பொருத்தமான அமைப்பு தயாரிக்கப்படும் என்று ஜனாதிபதி கூறினார்.  

அத்துடன், அரச மற்றும் தனியார் துறையினரின் பங்களிப்புடன் இந்தப் பிரச்சினைகளுக்கு தீர்வு காண்பதற்கான பிரேரணையை 

தயாரித்து இரண்டு வாரங்களுக்குள் வழங்குமாறு ஜனாதிபதி ரணில் விக்ரமசிங்க அதிகாரிகளுக்கு பணிப்புரை 

விடுத்துள்ளார். 

இலங்கையில் இரத்தினக்கல் கைத்தொழில் தொடர்பான ஏற்றுமதிகளை அதிகரிப்பதுடன் பெறுமதி சேர்ப்பது தொடர்பிலும் கவனம் செலுத்தப்பட வேண்டுமென ஜனாதிபதி வலியுறுத்தினார். 

மேலும், எதிர்காலத்தில் சப்ரகமுவ மாகாணம் மற்றும் நுவரெலியா மாவட்டங்களில் அகழ்வு பணிகளை 

ஆரம்பிப்பதற்கு

 திட்டமிடப்பட்டுள்ளதாக சுட்டிக்காட்டிய ஜனாதிபதி, இலங்கையிலுள்ள மாணிக்கக்கல் வர்த்தகர்களுக்கு இதற்கான பூரண வாய்ப்பு கிடைக்கும் எனவும் தெரிவித்தார்.  

அத்துடன், நாட்டின் ஏனைய பகுதிகளிலும் இரத்தினக்கல் மற்றும் சுரங்க தொழில்களை ஆரம்பிக்க முடியுமா என்பது தொடர்பில் கணக்கெடுப்பு ஒன்றை நடத்த எதிர்பார்ப்பதாக ஜனாதிபதி தெரிவித்தார்.

என்பது குறிப்பிடத்தக்கது

இங்குஅழுத்தவும் பெல்லேன்பேர்க் மாதா இணையம்.>>>

நாட்டின் பொருளாதாரம் எப்போது பழைய நிலைக்கு திரும்பும் ரணில் கருத்து

 இலங்கையில் 2018 இல் இருந்த நாட்டின் பொருளாதார நிலைமை 2027 ஆம் ஆண்டில் மீளமைக்கப்படும் என ஜனாதிபதி ரணில் விக்கிரமசிங்க 

தெரிவித்துள்ளார்.  

கொழும்பில் 15-03-2024-அன்று. இடம்பெற்ற நிகழ்ச்சி ஒன்றில் கலந்துகொண்டு கருத்து வெளியிடும்போதே அவர் இவ்வாறு கூறியுள்ளார். 

இதன்போது மேலும் கருத்து வெளியிட்ட அவர்,  இவ்வருடம் 2% பொருளாதார வளர்ச்சியை எதிர்பார்ப்பதாக தெரிவித்தார்.

இந்த ஆண்டு 2% பொருளாதார வளர்ச்சியை எட்டினாலும், 2019 ஆம் ஆண்டு நிலையை அடைய சுமார் இரண்டு முதல் மூன்று

 ஆண்டுகள் ஆகும். இருப்பினும், அந்த இலக்கை அடைவோம்” எனத் தெரிவித்துள்ளார். என்பது குறிப்பிடத்தக்கது

இங்குஅழுத்தவும் பெல்லேன்பேர்க் மாதா இணையம்.>>>

யாழ் கரவெட்டியில் குடிநீர் வழங்கல் சேவையில் ஈடுபட்ட சாரதி தாக்கப்பட்டார்

யாழ் கரவெட்டி பிரதேச சபைக்கு உட்பட்ட இராஜ கிராமம் பகுதியைச் சேர்ந்த மூவரினால் கரவெட்டி பிரதேச சபையினரால் குடிநீர் வழங்கி 

வந்த சாரதி தாக்கப்பட்டமையை அடுத்து குறித்த மூவரையும் கைது செய்ய வேண்டும் எனவும், தொடர்ந்து 

குடிநீர் வழங்குவதற்கு 

பொலீசார் பாதுகாப்பு வழங்க வேண்டும் எனவும் கரவெட்டி

 பிரதேச சபை செயலாளர் கணேசன் கம்ஸநாதன் 

தெரிவித்துள்ளார்.

 குறித்த சம்பவம் இன்று வெள்ளிக்கிழமை கரவெட்டி இராஜ கிராமம் பகுதியில் நடைபெற்றது. கரவெட்டி பிரதேச சபையால் உழவு இயந்திரத்தால் இராஜ கிராமம் மக்களுக்கு குடிநீர் வசதி வழங்கப்பட்டு வருகிறது.

 குறித்த சேவையை இன்று வெள்ளிக்கிழமை வழங்க

 முற்பட்ட போது குறித்த வீதியின் நடுவில் நின்று சாரதியுடன் வாக்கு வாதத்தில் ஈடுபட்டுள்ளார். 

சாரதியும் அவரை விலகிச் சென்று தனது சேவையை நிறைவு செய்து வரும் போது, குறித்த நபருடன் இன்னும் இருவர் இணைந்து

 சாரதியை தாக்கி கூரிய சிறிய ஆயுதத்தால் காயப்படுத்தி

 சென்றுள்ளனர். 

குறித்த சம்பவம் தொடர்பாக நெல்லியடி பொலீஸ் நிலையத்தில் முறைப்பாடு பதிவு செய்யப்பட்டதுடன், குறித்த சிலரின் தவறான

 நடவடிக்கையால் பொதுமக்கள் பாதிக்கப்படக்கூடாது 

என்ற நோக்கில் குறித்த மூவரையும் 

பொலீசார் கைது

 செய்ய வேண்டும் எனவும், தொடர்ந்து சேவையை 

வழங்குவதற்கு பொலீசார் பாதுகாப்பு வழங்க வேண்டும் எனவும் கரவெட்டி பிரதேச சபை செயலாளர் கணேசன் கம்ஸநாதன் 

தெரிவித்துள்ளார். 

இவரின் வேண்டுகோளுக்கு இணங்க நெல்லியடி பொலீசார் துரித நடவடிக்கை மேற்கொண்டு ஒருவரை கைது செய்துள்ளனர்.

என்பது குறிப்பிடத்தக்கது

இங்குஅழுத்தவும் பெல்லேன்பேர்க் மாதா இணையம்.>>>

அமெரிக்காவுக்குள் சட்டவிரோதமாக கனடாவில் இருந்து நுழைய முயன்றவர்கள் கைது

அமெரிக்காவுக்குள் மெக்சிகோ, கனடா நாடுகளில் இருந்து சட்டவிரோதமாக நுழைய பலர் முயற்சி செய்கிறார்கள். 

இதை தடுக்க எல்லைகளில் அமெரிக்க போலீசார் ரோந்து மற்றும் கண்காணிப்பில் ஈடுபட்டு வருகிறார்கள்.

இந்த நிலையில் கனடாவில் இருந்து அமெரிக்காவுக்குள் சட்டவிரோதமாக நுழைய முயன்ற 3 இந்தியர்கள் உள்பட 4 பேர் கைது

 செய்யப்பட்டுள்ளனர். பபலோ நகரில் உள்ள சர்வதேச 

ரெயில் பாலத்தில் ஓடும் சரக்கு ரெயிலில் இருந்து குதித்த 

ஒரு பெண் உள்பட 4 பேரை அமெரிக்க எல்லை காவல் 

படையினர் பிடித்தனர். 

ரெயிலில் இருந்து குதித்ததில் பெண் காயம் அடைந்தார். அவரை ஆஸ்பத்திரியில் சேர்த்தனர். விசாரணையில் அப்பெண் உள்பட 3 பேர் இந்தியர்கள் என்பதும் மற்றொருவர் டொமினிகன் குடியரசு நாட்டை சேர்ந்தவர் என்பதும் தெரிய வந்தது. 

அவர்களிடம் எந்த குடியுரிமை ஆவணங்களும் இல்லை. இதையடுத்து அவர்கள் அமெரிக்காவிற்குள் ஆவணங்கள் இன்றி நுழைய முயன்றதும் தெரிய வந்தது.

என்பது குறிப்பிடத்தக்கது 

இங்குஅழுத்தவும் பெல்லேன்பேர்க் மாதா இணையம்.>>>

நாட்டில் முல்லைத்தீவில் மோப்ப நாயின் உதவியுடன் திடீர் சோதனை நடவடிக்கை

நாட்டில் முல்லைத்தீவில்  பொலிஸ்மா அதிபர் தேசபந்து தென்னக்கோனின் எண்ணக் கருவுக்கு அமைவாக போதைப் பொருள் தேடுதல்  நடவடிக்கை13-03-2024. இன்று  முன்னெடுக்கப்பட்டது. 

நாட்டில் போதைப் பொருள் பாவனையை தடுக்கும் நோக்கில் நாட்டில் பல பாகங்களிலும் சுற்றி வளைப்பு நடைபெற்று வருகிறது.  

இந்த நிலையில் முல்லைத்தீவு புதுக்குடியிருப்பு

 பொலிஸ் பிரிவுக்குட்பட்ட விசுவமடு பகுதியில் பொலிசார் மற்றும் விசேட அதிரடிப் படையினர் இணைந்து மோப்ப நாயின் உதவியுடன் வீதி சோதனையை இன்றைய தினம் மேற்கொண்டிருந்தனர்.

இங்குஅழுத்தவும் பெல்லேன்பேர்க் மாதா இணையம்.>>>

வடக்கு கிழக்கு பெண்கள் அடக்குமுறைகளுக்கு எதிராக விடுக்கப்பட்டுள்ள கோரிக்கை

 

வடக்கு கிழக்கு பெண்கள் எதிர்கொண்டு வரும் அரசின் இன, மத ரீதியான அடக்குமுறைகளையும் நில ஆக்கிரமிப்பையும், இராணுவ மயமாக்கலையும் முடிவுக்குக் கொண்டுவர இலங்கை அரசு 

துரித நடவடிக்கைகளை முன்னெடுக்க வேண்டும் என வடக்கு கிழக்கு பெண்கள் கூட்டு கோரிக்கை விடுத்துள்ளனர்.  

பெண்களுக்கு எதிரான வன்முறைகளை இல்லாது ஒழிப்போம் எனும் தொனிப்பொருளில் வடக்கு கிழக்கு பெண்கள் கூட்டிணைவில் கிளிநொச்சியில் விழிப்புணர்வு பேரணி ஒன்று.12-03-2024. இன்று  

இடம்பெற்றுள்ளது.  

வடக்கு - கிழக்கின் 8 மாவட்டங்களைச் சேர்ந்த பெண்கள் கிளிநொச்சி பழைய கச்சேரி முன்றலில் இருந்து இருந்து பெண்களுக்கு எதிரான அடக்கு முறைகளை எதிர்த்து விழிப்புணர்வு பேரணியாக கிளிநொச்சி பசுமை பூங்கா வளாகத்தை சென்றடைந்துள்ளனர்.

பேரணியின் முடிவில் அறிக்கையொன்றினையும் வெளியிட்டுள்ளனர். குறித்த அறிக்கையில், இலங்கையின் வடக்கு கிழக்கு பிரதேசத்தைச் சார்ந்த தமிழ் பேசும் பெண்கள் எதிர் கொண்டு வரும் பன்முகப்பட்ட 

அடக்குமுறைகளுக்கு எதிராக கூட்டாக குரல் கொடுப்பதற்காக வடக்கு கிழக்கை சேர்ந்த எட்டு மாவட்டங்களிலும் இயங்கி

 வரும் பெண்கள் அமைப்புகள் மற்றும் பெண் செயற்பாட்டாளர்களான நாம் இங்கு ஓரணி திரண்டிருக்கிறோம்.  

இலங்கையின் அனைத்து பெண்களும் இன, மத, சமூக வேறுபாடுகளை கடந்து ஆணாதிக்க அடக்குமுறைகளையும் வன்முறைகளையும் எதிர்கொண்டு வருகின்றனர். ஆணாதிக்க மயப்பட்ட குடும்ப, சமூக, 

வேலைத்தள, அரச அடக்குமுறைகளுக்கு இலங்கைப் பெண்கள் அனைவரும் உள்ளாகின்றனர். பெண்கள் மீதான வன்முறை 

கோவிட் மற்றும் பொருளாதார நெருக்கடியுடன் 

மோசமடைந்துள்ளது. இணையவழிக் குற்றங்கள் 

அதிகரித்துள்ளன.

எனினும், இலங்கையின் வடக்கு கிழக்கு பிரதேசத்தை பாரம்பரிய வாழ்விடமாகக் கொண்ட தமிழ் பேசும் பெண்களான நாம் குறிப்பான பன்முகப்பட்ட அடக்குமுறைகளுக்கு உள்ளாகி

 வருகிறோம்:  

1) இலங்கை அரசின் திட்டமிட்ட இன மற்றும் மொழி ரீதியான அடக்குமுறைகளுக்கு எழுவது வருடங்களுக்கு மேலாக உள்ளாகி வருகிறோம்.  

2) முப்பது ஆண்டுகளுக்கு மேற்பட்ட இன அழிப்புப் போரின் அழிவுகளையும் வலிகளையும் சுமந்துகொண்டு இருக்கிறோம்.  

3) இன்றுவரையும் பயங்கரவாத தடைச் சட்டத்தின் அச்சுறுத்தலை எதிர்கொண்டு வருகின்றோம். பயங்கரவாதத் தடைச் சட்டத்தின் கீழ் தமிழ்ப் பெண்கள் எனும் காரணத்தாலேயே எமது சசோதரிகள்

 கைது செய்யப்பட்டு தடுத்து வைக்கப்படுகின்றனர். தாய்மாராகவும், மனைவி மாராகவும், சகோதரிகளாகவும் எமது குடும்ப அங்கத்தவரின்

 பாதுகாப்பு குறித்து எப்பொழுதும் மனப் பதைப்புடன் வாழும் நிலைக்குத் தள்ளப்பட்டுள்ளோம்  

4) உண்மையை அறிந்து கொள்ளவும், நீதிக்காகவும், நியாயமான இழப்பீடு களைப் பெறவும், எமது உறவுகளுக்காக நினைவேந்தலைகளை மேற்கொள்ளவும், கௌரவாமான அரசியல் உரிமைகளைக் கொண்ட பிரஜைகளாக வாழவும் குரல் கொடுத்து வருகிறோம்  

5) இலங்கை அரசானது இதுவரை பொறுப்புக்கூறலை புறக்கணித்து வருவதால் அதிகம் பாதிக்கப்பட்டவர்கள் எனும் வகையில் பொறுப்புக்கூறலை வலியுறுத்தி வருகிறோம். 

6) எமது சகோதரிகள் பலரும் அரசின் திட்டமிட்ட காணி அபகரிப்பு காரணமாக இன்று வரையில் அகதி வாழ்க்கை வாழ்கின்றனர். அரச திணைக்களங்களான வன இலாகா, தொல்பொருள் திணைக்களம்

 ஆகியவற்றினால் எதேச்சாதிகாரமாக காணிகள் அபகரிக்கப்படுதல், அரச படைகளால் காணிகள் அபகரிக்கப்படுதல் காரணமாக 

வீடுகளையும் விவசாய நிலங்களையும் இழந்து பொருளாதார 

பாதிப்புகளை எதிர்கொள்கின்றனர். பொருளாதாரத்தை 

இழந்துள்ளனர்.  

7) அரசின் திட்டமிட்ட சிங்களக் குடியேற்றங்கள் மற்றும் பௌத்த மயமாக்கம் காரணமாக அச்சுறுத்தல்களையும் அவமானப்படுத்தல் களையும் எதிர்கொண்டு வருகின்றனர் .  

8) ராணுவ மயமாக்கப்பட்ட பிரதேசத்து பெண்கள் எனும் வகையில் பொதுவில் பெண்கள் அனைவரும் அச்சத்துடன் வாழும் நிலைக்குத் 

தள்ளப்பட்டுள்ளோம்.  

9) வடக்கு கிழக்கில் பெண்களின் சுயாதீனமான சமூக நடவடிக்கைகள் அனைத்தும் அரச உளவுப் பிரிவின் தொடர் கண்காணிப்புக்கு உள்ளாவதுடன் பெண் சமூக செயற்பாட்டாளர்கள் அச்சுறுத்தல்களையும்

 அத்துமீறல்களையும் எதிர்கொண்டு வருகின்றனர்.  உதாரணமாக  ஆண் உளவாளிகள் பெண்களை புகைப்படம் எடுத்தல், பெண்களை விசாரித்தல் எனும் பெயரில் மாலை நேரங்களில் வீடுகளுக்கு 

செல்லுதல், இரவிலும் தொலைபேசியில் அழைத்தல். சமூக செயற்பாட்டில் உள்ள பெண்கள் பொலிஸ் விசாரணைக்காக அழைக்கப்படல், பெண்களின் சமூக செயற்பாடுகளை அச்சுறுத்துவதற்காக

 பெண்கள் மீது பொலிசார் காரணமற்று வழக்கு தொடுத்தல் போன்றவற்றைக் கூற முடியும்.  

10) வலிந்து காணாமல் ஆக்கப்பட்டோர் குடும்பத்து பெண்கள் பாதுகாப்புத் தரப்பினால் அச்சுறுத்தப்படல், தொடர்கண்காணிப்புக்கு உள்ளாக்கப்படல், தாக்கப்படல் நடைபெறுகிறது அரசின் இனவாத 

அடக்குமுறைகளால் மாத்திரமன்று, வடக்கு கிழக்கு

 தமிழ் சமூகத்தில் காலங்காலமாக நிலவிவரும் ஆணாதிக்க 

அடக்குமுறை போனதும் உரிமை மறுப்புகளினதும் காரணமாகவும் தமிழ்ப் பெண்களான நாம் பாதிக்கப்படுகிறோம். 

குடும்ப வன்முறைகள், பாலியல் வன்கொடுமைகள், படுகொலைகள், இணையதள ரீதியான குற்றங்கள் ஆகியன தமிழ் சமூகத்தைச் சார்ந்த ஆண்களால் தமது சொந்தக் குடும்பத்துப் பெண்களுக்கு 

எதிராகவும் சமூகத்தைச் சார்ந்த பெண்களுக்கு எதிராகம் மேற்கொள்ளப்பட்டு வருகிறது. பாடசாலைகளில் சிறுமியர் மீதான பாலியல் துன்புறுத்தல்கள் அதிகரித்துள்ளன. 

தொழில் பாதுகாப்பு காரணமாக வேலைத்தள வன்முறைகளை பெண்கள் வெளிக்கொண்டு வராமல் உள்ளனர். இது மாத்திரமன்றி தமிழ் சமூகத்தில் காணப்படும் சாதிய, பிரதேச வேறுபாடுகள், மத ரீதியான

 பிரிவினைகள் யாவும் பெண்களையே அதிகம் பாதிக்கின்றன.

 இவற்றுடன் தமிழ் சமூகத்தில் நிலவும் ஜனநாயக மறுப்பு சிந்தனைகள், பிற்போக்கான கலாச்சார அடக்குமுறைகள் பெண்களின் முன்னேற்றத்திற்கு தடையாக உள்ளன.

இந்நிலையில், • வடக்கு கிழக்கு பெண்கள் எதிர்கொண்டு வரும் அரசின் இன, மத ரீதியான அடக்குமுறைகளையும், நில ஆக்கிரமிப்பையும், இராணுவ மயமாக்கலையும் முடிவுக்குக் கொண்டுவருமாறு இலங்கை அரசை கோருகிறோம்  

• வடக்கு கிழக்கில் சட்ட ஒழுங்கு உரிய முறையில் அமுலாக்கப்பட வேண்டும் என வலியுறுத்துகிறோம் • ஒட்டுமொத்த இலங்கைப் பெண்களும் சுதந்திரமாகவும், உரிமைகளுடனும் வாழ்வதற்கான சட்டங்களை நடைமுறைப்படுத்தக் கோருகிறோம்.

• பாதிக்கப்படும் பெண்களின் நலனை கருத்திற்கொண்டு அரச அதிகாரிகளும், காவல்துறையும் பக்கச்சார்பின்றி செயலாற்றக் கோருகிறோம்.என குறித்த அறிக்கையில் மேலும் குறிப்பிடப்பட்டுள்ளது.என்பதாகும் 

இங்குஅழுத்தவும் பெல்லேன்பேர்க் மாதா இணையம்.>>>

நாட்டில் வெடுக்குநாறிமலை விவகாரத்தில் கைது செய்யப்பட்டவர்கள் கைவிலங்குகளுடன் சிகிக்சை

நாட்டில் வெடுக்குநாறிமலை ஆதிசிவன் ஆலயத்தில் கைது செய்யப்பட்ட பூசகர் உள்ளிட்ட 8 பேரும் கைவிலங்குகளுடன் வைத்தியசாலையில் தொடர்ந்தும் சிகிக்சை பெற்று வருகின்றனர்.

 மகா சிவராத்திரி தினத்தன்று வவுனியா வடக்கு, வெடுக்குநாறி மலை ஆதிசிவன் ஆலயத்தில் பூஜை வழிபாடுகளில் ஈடுபட்டுக் கொண்டிருந்த போது ஆலய பூசகர் உள்ளிட்ட 8 பேர் பொலிஸாரால் கைது 

செய்யப்பட்டனர். கைது செய்யப்பட்டவர்கள் மீது 

பொலிஸார் தாக்குதல் மேற்கொண்டதாக நீதிமன்றின் கவனத்திற்கு சட்டத்தரணிகள் கடந்த சனிக்கிழமை கொண்டு 

வந்திருந்தனர். 

இதனையடுத்து ஞாயிற்றுக்கிழமை (10) குறித்த 8 பேரையும் மன்றின் உத்தரவுக்கமைய வவுனியா வைத்தியசாலை சட்ட வைத்திய அதிகாரியிடம் சிறைச்சாலை உத்தியோகத்தர்கள் அழைத்து 

சென்றிருந்தனர்.

 இதன்போது குறித்த 8 பேரினதும் உடல் நிலையை கருத்தில் கொண்டு அவர்களை வவுனியா வைத்தியசாலையில் சிகிச்சைக்காக அனுமதிக்கப்பட்டுள்ளனர். பலத்த பாதுகாப்புக்கு மத்தியில் 

கைவிலங்குடன் அவர்கள் வைத்தியசாலையில் தொடர்ந்தும் சிகிச்சை பெற்று வருகின்றனர்.என்பது குறிப்பிடத்தக்கது

இங்குஅழுத்தவும் பெல்லேன்பேர்க் மாதா இணையம்.>>>

தமிழ் தேசிய கூட்டமைப்பு ஜனாதிபதியின் அழைப்பை ஏற்றுக்கொண்டுள்ளது

சர்வதேச நாணய நிதியத்தின் பிரதிநிதிகளுடனான கலந்துரையாடலில் பங்கேற்குமாறு,  அரசியல் கட்சிகளுக்கு ஜனாதிபதி ரணில் விக்கிரமசிங்க விடுத்த அழைப்பை தமிழ்த் தேசியக் கூட்டமைப்பு 

ஏற்றுக்கொண்டுள்ளது. 

 சர்வதேச நாணய நிதியத்தின் பிரதிநிதிகள் மற்றும் பாராளுமன்ற உறுப்பினர்களுடனான கலந்துரையாடலுக்கு ஜனாதிபதி ரணில் விக்கிரமசிங்க அழைப்பு விடுத்துள்ளார். 

குறித்த கட்சிகளுக்கு உத்தியோகபூர்வ அழைப்பு விடுக்கப்பட்டுள்ள போதிலும், ஐக்கிய மக்கள் சக்தி மற்றும் சில பாராளுமன்ற உறுப்பினர்கள் புறக்கணிப்பதாக அறிவித்துள்ளனர். 

எவ்வாறாயினும் தமிழ்த் தேசியக் கூட்டமைப்பு உரிய அழைப்பை ஏற்று அக்கட்சியின் பிரதிநிதி ஒருவரை இதில் பங்கேற்க வைக்க 

தீர்மானித்துள்ளது.  

அரசாங்க நிதி தொடர்பான குழுவின் தலைவர் கலாநிதி ஹர்ஷ டி சில்வாவின் வேண்டுகோளுக்கு இணங்க இந்த கலந்துரையாடல் இடம்பெற்றதாகவும், அவரின் பங்கேற்பு தற்போது நிச்சயமற்ற நிலையில் உள்ளதாகவும் தெரிவிக்கப்படுகிறது. 

இந்த விடயம் தொடர்பில் கட்சியுடன் கலந்துரையாடி இறுதி தீர்மானம் எடுப்பதாக பாராளுமன்ற உறுப்பினர் ஹர்ஷ டி சில்வா தெரிவித்துள்ளார்.

என்பது குறிப்பிடத்தக்கது

இங்குஅழுத்தவும் பெல்லேன்பேர்க் மாதா இணையம்.>>>

இரு மாணவர்களுக்குபாகிஸ்தானில் கடூழிய தண்டனை விதித்த நீதிமன்றம்

பாகிஸ்தானில், இறை நம்பிக்கைகளையும், இறை வழிபாட்டையும் நிந்தனை செய்வதும், பழித்து பேசுவதும், கடும் தண்டனைக்குரிய சட்டமாக கருதப்படுகிறது.

இந்நிலையில், கடந்த 2022ல், இறை நம்பிக்கையை புண்படுத்தும் விதமாக "வாட்ஸ் அப்" செயலியில் ஆபாசமான கருத்துகளை பதிவிட்டதாக குற்றம் சாட்டி ஒரு 22-வயது மாணவர் மற்றும் 17-வயது 

மாணவர் ஒருவர் மீது பாகிஸ்தானின் மத்திய புலனாய்வு முகமையின் (Federal Investigation Agency) சைபர் கிரைம் பிரிவு வழக்கு பதிவு செய்தது. இரு மாணவர்களும் தாங்கள் எந்த குற்றமும் செய்யவில்லை 

என கூறி வந்தனர்.

வழக்கு விசாரணை முடிந்த நிலையில் தற்போது இதனை விசாரித்த நீதிபதிகள் 22-வயது மாணவருக்கு மரண தண்டனை விதித்தும்,17-வயது 

மாணவருக்கு அவர் சிறார் என்பதால் ஆயுள் தண்டனை விதித்தும் தீர்ப்பளித்தனர்.

இரண்டு மாணவர்களும் பொய் வழக்கில் சிக்க வைக்கப்பட்டுள்ளதாக அவர்கள் தரப்பு வழக்கறிஞர் தெரிவித்தார்.

 மரண தண்டனை விதிக்கப்பட்ட மாணவரின் தந்தை, லாகூர் உயர் நீதிமன்றத்தில் மேல்முறையீடு செய்ய உள்ளதாக தெரிவித்தார்.

என்பது குறிப்பிடத்தக்கது   

இங்குஅழுத்தவும் பெல்லேன்பேர்க் மாதா இணையம்.>>>